Epstein Files : एपस्टाईन फाइल्समधील (Epstein Files) खुलाशांमुळे जगभरात खळबळ उडाली आहे. या सेक्स स्कँडलमध्ये अमेरिकेचे अध्यक्ष डोनाल्ड ट्रम्पपासून बिल गेट्सपर्यंत अनेक प्रमुख व्यक्तींची नावे समोर आली आहेत. परराष्ट्र मंत्रालयाचे प्रवक्ते रणधीर जयस्वाल म्हणाले की, हे सर्व दावे पूर्णपणे मूर्खपणाचे आहेत आणि त्याकडे दुर्लक्ष करणेच योग्य आहे. एपस्टाईन फाइल्सच्या एका ईमेल मेसेज रिपोर्टमध्ये असे म्हटले आहे की पंतप्रधान मोदी यांनी ट्रम्पच्या फायद्यासाठी जेफ्री एपस्टाईनच्या सल्ल्यानुसार इस्रायलला भेट दिली. या दाव्यांचे खंडन करताना, परराष्ट्र मंत्रालयाच्या प्रवक्त्यांनी स्पष्ट केले की, जुलै २०१७ मध्ये पंतप्रधान मोदींचा इस्रायल दौरा पूर्णपणे अधिकृत होता. अलिकडेच प्रसिद्ध झालेल्या एपस्टाईन फाइल्समधील कागदपत्रांमुळे भारतातही चर्चा सुरू झाली आहे. जयस्वाल यांनी सांगितले की, आम्ही एपस्टाईन फाइल्स म्हणून ओळखल्या जाणाऱ्या ईमेल रिपोर्ट्स पाहिल्या आहेत. त्या ईमेलमधील माहिती हा एक्ल कल्पनाविलास आहे. अशी विधाने पूर्णपणे नाकारली जातात आणि त्याकडे लक्ष दिले जाऊ नये.
