पुणे – पीपल्स एज्युकेशन सोसायटीच्या येरवडा येथील डॉ. आंबेडकर कला व वाणिज्य महाविद्यालयाच्या वतीने घेण्यात आलेल्या विविध कला व क्रीडा स्पर्धांना विद्यार्थ्यांकडून उत्स्फुर्त प्रतिसाद मिळाला. स्पर्धांमधील विजेत्यांना सन्मानचिन्ह, प्रमाणपत्र देवून गौरविण्यात आले. महाविद्यालयात कला व क्रीडा स्पर्धांचा वार्षिक पारितोषिक वितरण समारंभ नुकताच झाला. यावेळी संस्थेचे उपाध्यक्ष डॉ. डी. जी. देशकर, उद्योजक सुरेंद्र पठारे, रिपब्लीकन विद्यार्थी सेनेचे प्रदेशाध्यक्ष विवेक बनसोडे आदी मान्यवरांसह प्रभारी प्राचार्य डॉ. गौतम बनसोडे, शारिरीक शिक्षण संचालक डॉ.रुपेश थोपटे, प्रेरणा उमरखेडी, रमेश साळुंके, सुर्यकांत अस्वरे, शोभा कागे, विजय भाटकर, टि. आर. लेंभे, डॉ. आप्पाराव चव्हाण, सुवर्णा कांबळे यांच्यासह अन्य प्राध्यापक, विद्यार्थी उपस्थित होते. यावेळी सांस्कृतिक कार्यक्रमात विद्यार्थ्यांनी आपले विविध कलागुण सादर करत उपस्थितांची चांगली दाद मिळविली. कला मंडळाच्या वतीने रांगोळी, मेंहदी स्पर्धा घेण्यात आल्या. क्रीडा विभागाच्या वतीने कॅरम, बुद्धिबळ, गोळाफेक, थाळीफेक, व्हॉली बॉल, क्रिकेट या स्पर्धा घेण्यात आल्या. यातील विजेत्यांना पारितोषिके प्रदान करण्यात आली. सूत्रसंचालन डॉ. श्रेयशी परब, सुवर्णा कांबळे यांनी केले. आभार विजय भाटकर, डॉ. आप्पाराव चव्हाण यांनी मानले.
