Entertainment । टीव्ही अभिनेत्री पवित्रा पुनियाने नेहमीच तिच्या रिलेशनशिपबाबत मनमोकळेपणाने संवाद साधला आहे. एजाज खानसोबत तिची लव्ह स्टोरी बिग बॉसपासूनच सुरू झाली होती. बिग बॉसच्या घरातून बाहेर आल्यानंतर पवित्रा आणि एजाज यांनी त्यांच्या नात्याला अधिकृत केले होते.

दोघेही एकत्र राहू लागले आणि एकत्र फोटो शेअर करू लागले. पण हे नाते फार काळ टिकले नाही. पवित्रा आणि एजाजचे ब्रेकअप झाले आहे. ब्रेकअप होऊन बराच काळ लोटला असून आता पवित्राने यावर मौन सोडले आहे. नात्यात जे काही घडले त्याची जबाबदारी मी घेतो असेही ती म्हणाली आहे पवित्रा आणि एजाजने लग्न करण्याचा विचार केला होता. अनेकवेळा त्यांच्या लग्नाच्या बातम्या आल्या होत्या की हे दोघे लवकरच लग्न करणार आहे. मात्र यादरम्यान हे जोडपे वेगळे झाले.

शार्दुल पंडितच्या पॉडकास्टमध्ये पवित्रा तिच्या ब्रेकअपबद्दल उघडपणे बोलली. ती म्हणाली, ‘मी रिलेशनशिप तुटण्याची जबाबदारी घेते कारण माझी निवड चुकीची होती. मी चुकीच्या व्यक्तीवर प्रेम केले. मी काही गोष्टींबद्दल चूक केली आहे. ब्रेकअप झाल्यानंतर मुले त्यांच्या गर्लफ्रेंडबद्दल कडू बोलतात. मी बिग बॉसमध्ये असतानाही माझ्यासोबत असे घडले.’

एजाज आणि पवित्रा यांच्यात अनेक समस्या होत्या आणि एक वेळ अशी आली की त्यांना हे समजले की समस्या सोडवता येणार नाहीत. तेव्हाच त्यांनी वेगळे होण्याचा निर्णय घेतला. एजाज खानने मुलाखतीत ब्रेकअपबद्दल सांगितले होते. ब्रेकअपनंतर तो कठीण टप्प्यातून जात असल्याचे त्याने सांगितले होते.