कुस्ती चॅम्पियन विनेश फोगटने आता राजकीय मैदानात उतरण्याचा निर्णय घेतला आहे. तिने हरियाणा विधानसभा निवडणूक जिंद जिल्ह्यातील जुलाना मतदारसंघातून लढवली आहे. राजकारणात प्रवेश घेण्याच्या निर्णयाबाबत आता विनेश फोगटने एका मुलाखतीत आपलं मत मांडलं आहे. आणि अनेक मुद्द्यांवर भाष्य केलं.

एका वृत्तवाहिनीच्या विशेष मुलाखतीत, विनेशने राजकारणात प्रवेश करण्याच्या तिच्या निर्णयाबद्दल आणि काँग्रेसच्या तिकीटावर निवडणूक लढवण्याच्या तिच्या निर्णयाबद्दल सांगितले. हरियाणासाठी तीच व्हिजन काय आहे, हेही यावेळी तिने स्पष्ट केले.

नेमकं काय म्हणाली विनेश फोगट
‘2024 च्या ऑलिम्पिकनंतर परिस्थितीने मला हा निर्णय (निवडणूक लढवण्याचा) घेण्यास भाग पाडले. त्यांच्यासाठी, त्यांच्या मुलांसाठी आणि माझ्यातील योद्धा जिवंत ठेवण्यासाठी मी पुढे यावे, अशी मागणी लोकांनी केली.  माझा हा निर्णय उच्च-प्रोफाइल पैलवानांच्या विरोधानंतर न्यायासाठी सतत लढा देण्याशी संबंधित आहे. अडचणींचा सामना करूनही आम्ही निकाल देण्यात अपयशी ठरलो आहोत.

हरियाणा निवडणुकीत कुमारी सेलजा भाजप आणि काँग्रेस या दोघांसाठी एक्स फॅक्टर का बनल्या आहेत?
ब्रिजभूषण यांच्याविरोधात कुस्तीपटूंनी आघाडी उघडली होती भारतीय कुस्ती महासंघाचे माजी अध्यक्ष ब्रिजभूषण सिंह यांच्या विरोधात रस्त्यावर उतरलेल्या विनेश फोगट या आघाडीच्या कुस्तीपटूंपैकी एक आहे. अनेक महिला कुस्तीपटूंनी ब्रिजभूषण यांच्यावर लैंगिक छळाचे आरोप केले आहे.

आम्हाला अपमानांशिवाय काहीच मिळाले नाही
विनेश फोगट म्हणाल्या, ‘आम्ही रस्त्यावर लढलो. आमच्याकडे काय आहे? आम्हाला शिवीगाळ आणि अपमान याशिवाय काहीही मिळाले नाही. मी ऑलिम्पिकला गेलो मात्र मला न्याय मिळाला का? काहीही नाही. आम्हाला कधीच न्याय मिळाला नाही. राजकारणात प्रवेश हा पर्याय नव्हता, तर गरज होती.’

‘फक्त काँग्रेसला दोष देऊ शकत नाही’
कुस्तीपटूंचा विरोध राजकीय हेतूने प्रेरित असल्याच्या भाजपच्या आरोपावर विनेश फोगट म्हणाल्या, सर्वप्रथम आम्ही आंदोलन सुरू केले तेव्हा सुरुवातीला भाजपच्या दोन नेत्यांनी परवानगी दिली होती. त्यामुळे ते काँग्रेसला दोष देऊ शकत नाहीत. याचाच अर्थ या मुद्द्यावरून भाजपमध्ये फूट पडली. राजकारणात कोणतीही महिला रस्त्यावर उतरणार नाही. ती तिचे कपडे फाडणार नाही की केस ओढणार नाही? माझ्यासारखे खेळाडू, ज्यांनी स्वतःचे नाव कमावले, पुरस्कार जिंकले आणि लोकांमध्ये ओळखले जाते. हवे असते तर राजकारणात उतरता आले असते.’

कारवाई न झाल्याने दुसऱ्यांदा आंदोलनाला बसले
विनेश फोगट यांनी भाजपवर हल्लाबोल करत म्हटले की, आम्ही त्यांच्या पक्षाला खासदार (बृजभूषण शरण सिंह) यांच्यावर कारवाई करण्याची पूर्ण संधी दिली, पण कारवाई झाली नाही, तेव्हा आम्ही दुसऱ्यांदा आंदोलनाला बसलो.

हरियाणा विधानसभा निवडणुकीबाबत विनेश तिच्या संभाव्यतेबद्दल व्यावहारिक राहते. ती म्हणते की मी अतिआत्मविश्वासात नाही आणि मला पराभूतही वाटत नाही. विनेश म्हणाली, जर हा सामना सोपा असता तर त्यांनी विनेश फोगटला येथून (जुलाना) मैदानात उतरवले नसते. मी पूर्ण जबाबदारीने आणि समर्पणाने काम करत आहे. मला माझ्या कामावर विश्वास आहे.