ENG vs WI T20 and ODI series 2024-25 : इंग्लंडचा संघ सध्या पाकिस्तानच्या दौऱ्यावर असून, तिथे दोन्ही संघांमध्ये कसोटी मालिका खेळवली जाणार आहे. यासाठी इंग्लंडचा संघ पाकिस्तानात पोहोचला आहे. अशातच आगामी वेस्ट इंडिजसोबतच्या वनडे आणि टी-20 मालिकेसाठी इंग्लंड संघाची घोषणा करण्यात आली आहे. ज्यामध्ये विश्वविजेता कर्णधार दीर्घ काळानंतर परतला आहे, तर 3 अनकॅप्ड खेळाडूंचीही संघात निवड झाली आहे.

वास्तविक, इंग्लंड संघाचा कर्णधार जोस बटलर दुखापतीमुळे बराच काळ संघाबाहेर होता. मात्र वेस्ट इंडिजसोबतच्या वनडे आणि टी-20 मालिकेसाठी तो संघात परतला आहे. त्यानंतर बटलर पुन्हा एकदा इंग्लंड संघाचे नेतृत्व करताना दिसणार आहे. बटलरच्या अनुपस्थितीत, ऑस्ट्रेलियासोबत खेळल्या गेलेल्या 5 वनडे मालिकेसाठी हॅरी ब्रूकला कर्णधार बनवण्यात आले. या मालिकेत इंग्लंडला 3-2 असा पराभव स्वीकारावा लागला होता. त्यानंतर हॅरी ब्रूकला संघाबाहेर ठेवण्यात आले आहे.

तीन अनकॅप्ड खेळाडूंना संधी….

वेस्ट इंडिजसोबतच्या वनडे आणि टी-20 मालिकेसाठी इंग्लंड संघात तीन अनकॅप्ड खेळाडूंचा समावेश करण्यात आला आहे. ज्यात जाफर चौहान, जॉन टर्नर आणि डॅन मुसली यांचा समावेश आहे. संघात निवड झाल्यानंतर जाफर चौहानने सांगितले की, इंग्लंड संघात निवड होणे हे स्वप्न पूर्ण होण्यासारखे आहे. ही माझ्यासाठी खूप आनंदाची बाब आहे.

IND vs BAN : कसोटी मालिका संपली! आता सुरू होणार टी-20 चा थरार; जाणून घ्या कधी-कुठे होणार सामने?

एकदिवसीय आणि टी-20 मालिका वेळापत्रक

पहिला एकदिवसीय- 31 ऑक्टोबर
दुसरी वनडे- 2 नोव्हेंबर
तिसरी एकदिवसीय- 6 नोव्हेंबर

पहिला T20- 9 नोव्हेंबर
दुसरा T20- 10 नोव्हेंबर
तिसरा T20- 14 नोव्हेंबर
चौथा T20- 16 नोव्हेंबर
पाचवा T20- 17 नोव्हेंबर

टी- 20 आणि एकदिवसीय मालिकेसाठी इंग्लंड संघ….

जोस बटलर (कर्णधार), फिल सॉल्ट, विल जॅक, लियाम लिव्हिंगस्टोन, जोफ्रा आर्चर, सॅम कुरान, आदिल रशीद, जेकब बेथेल, साकिब महमूद, जाफर चौहान, जेमी ओव्हरटन, डॅन मौसली, जॉन टर्नर, रीस टोपली.