दक्षिण कोरिया : दक्षिण कोरियाच्या जंगलात भीषण आग लागल्याची घटना घडली आहे. यामध्ये आतापर्यंत १६ जणांना आपला जीव गमवावा लागला असून १९ लोक भाजले आहेत. कोरडे हवामान आणि जोरदार वारे यामुळे आगीची तीव्रता अधिक वाढली आहे. १३०० वर्षे जुने बौद्ध मंदिरही जळून खाक झाले आहे. या भीषण आगीने आतापर्यंत ४३,००० एकर जमीन वेढली आहे. प्रशासनाने अँडोंग आणि इतर शहरांमधील लोकांना त्यांची घरे रिकामी करण्याचे आदेश दिले आहेत. अग्निशमन दलाचे जवान आग विझवण्याचे शर्तीचे प्रयत्न सुरु आहेत.

सुरक्षा मंत्रालयाच्या म्हणण्यानुसार, अँडोंग, शेजारच्या उइसोंग आणि सांचोंग काउंटी आणि उल्सान शहरात, जिथे आग सर्वात मोठी होती, ५,५०० हून अधिक लोकांना त्यांची घरे खाली करावी लागली. अग्निशमन दलाच्या पथकांना कोरड्या वाऱ्यांमुळे लागलेल्या अनेक आगी विझवण्यासाठी संघर्ष करावा लागला. त्यामुळे अँडोंग शहर आणि इतर आग्नेय शहरे आणि गावांमधील अधिकाऱ्यांनी रहिवाशांना स्थलांतर करण्याचे आदेश दिले. या आगीत ४३,००० एकरहून अधिक जमीन जळून खाक झाली आहे आणि १,३०० वर्ष जुन्या बौद्ध मंदिरासह शेकडो इमारती नष्ट झाल्या आहेत.

आतापर्यंत १८ जणांचा मृत्यू

दक्षिण कोरिया तीन बाजूंनी समुद्राने वेढलेला आहे. त्याच्या दक्षिण भागात सँचिओंग नावाचा एक परिसर आहे. सांचिओंग नावाच्या या भागातील जंगलात आग लागली. ही आग आजूबाजूच्या परिसरातही पसरली. यामध्ये आतापर्यंत १८ जणांचा मृत्यू झाला आहे. ही आग आतापर्यंत सुमारे १६ हजार एकरवर पसरली आहे. सुमारे ५,५०० लोकांनी आपली घरे सोडली आहेत. बचाव कार्यात ९ हजारांहून अधिक कर्मचारी आणि १०० हून अधिक हेलिकॉप्टर सहभागी आहेत.

आगीवर नियंत्रण मिळविण्यासाठी सर्वतोपरी प्रयत्न

दक्षिण कोरियाच्या आग्नेय भागात आठवड्याच्या शेवटी जंगलातील आग पसरल्यानंतर अग्निशमन दलाच्या पथकातील किमान चार सदस्यांचा मृत्यू झाला आणि १,५०० लोकांना सुरक्षित ठिकाणी हलवण्यात आले, ज्यामुळे हंगामी अध्यक्ष हान डक-सू यांनी आगीवर नियंत्रण मिळविण्यासाठी सर्वतोपरी प्रयत्न करण्याचे आवाहन केले.

आग ७० टक्के नियंत्रणात

सिम युई-देओक यांनी इंस्टाग्रामवर पोस्ट केलेल्या फुटेजमध्ये सँचेओंगच्या पर्वतांमध्ये आग जळताना दिसत आहे. सँचेओंगमध्ये शुक्रवारी आग लागली आणि तेव्हापासून ४,१५० हेक्टर (१०,२५० एकर) जमीन जळून खाक झाली आहे. योनहापने सांगितले की, सँचेओंग काउंटीमधील आग ७० टक्के आटोक्यात आली आहे.