Election Commission on SIR: भारतीय निवडणूक आयोगाने मतदार याद्यांच्या विशेष सखोल पुनरावलोकनाच्या (SIR) तिसऱ्या टप्प्याची घोषणा केली आहे. आयोगाने दिलेल्या माहितीनुसार, हा टप्पा १६ राज्ये आणि तीन केंद्रशासित प्रदेशांमध्ये राबविण्यात येणार आहे. निवडणूक आयोगाने याविषयी माहिती देताना, “जनगणनेचा भाग म्हणून सुरू असलेली घर सूची प्रक्रिया लक्षात घेऊन एसआयआरच्या तिसऱ्या टप्प्याचे वेळापत्रक ठरवण्यात आले आहे, जेणेकरून दोन्ही प्रक्रियांमध्ये समन्वय साधता येईल” असे म्हटले आहे. SIR कोणत्या राज्यात होणार ? (Election Commission on SIR) तिसऱ्या टप्प्यात आंध्र प्रदेश, अरुणाचल प्रदेश, हरियाणा, कर्नाटक, महाराष्ट्र, तेलंगणा, पंजाब, ओडिशा, झारखंड आणि दिल्ली यांसह एकूण १६ राज्ये आणि तीन केंद्रशासित प्रदेशांचा समावेश आहे. आयोगाच्या मते, या प्रक्रियेचा उद्देश मतदार याद्या अधिक अचूक आणि त्रुटीमुक्त करणे, आणि त्याद्वारे निवडणूक प्रक्रियेवरील विश्वास दृढ करणे हा आहे. ३.९४ लाख बूथ लेव्हल ऑफिसर लागणार कामाला निवडणूक आयोगाने दिलेल्या माहितीनुसार, विशेष सखोल मतमोजणीच्या (SIR) तिसऱ्या टप्प्यात, अंदाजे ३.९४ लाख बूथ लेव्हल ऑफिसर (BLOs) ३६.७३ कोटी मतदारांची पडताळणी करण्यासाठी घरोघरी जातील. (Election Commission on SIR) राजकीय पक्षांनी नियुक्त केलेले ३.४२ लाख बूथ लेव्हल एजंट (BLAs) देखील या प्रक्रियेत मदत करतील. पारदर्शक आणि सहभागी मतमोजणी पुनरावलोकन प्रक्रिया सुनिश्चित करण्यासाठी, आयोगाने सर्व राजकीय पक्षांना प्रत्येक मतदान केंद्रावर बूथ लेव्हल एजंट नियुक्त करण्याचे आवाहन केले आहे. आयोगाने म्हटले आहे की, तिसरा टप्पा पूर्ण झाल्यानंतर, हिमाचल प्रदेश, जम्मू आणि काश्मीर, आणि लडाख वगळता देशभरात विशेष सखोल मतमोजणी पूर्ण केली जाईल. या तीन प्रदेशांमधील जनगणनेच्या दुसऱ्या टप्प्याचे वेळापत्रक, विशेषतः डोंगराळ आणि बर्फाच्छादित भागांमधील हवामानाची परिस्थिती लक्षात घेऊन नंतर जाहीर केले जाईल. निवडणूक आयोगाच्या माहितीनुसार, पहिल्या दोन टप्प्यांमध्ये १३ राज्ये आणि केंद्रशासित प्रदेशांमध्ये अंदाजे ५९ कोटी मतदारांची मतमोजणी करण्यात आली. या प्रक्रियेत ६.३ लाखांहून अधिक बीएलओ (BLO) आणि ९.२ लाख बीएलए (BLA) सहभागी झाले होते. SIR च्या तिसऱ्या टप्प्याचे वेळापत्रक (Election Commission on SIR) Election Commission on SIR: महाराष्ट्रासह देशातल्या ‘या’ १६ राज्य अन् केंद्रशासित प्रदेशात होणार SIR ; निवडणूक आयोगाकडून मोठी घोषणा १ जुलै, २०२६ पासून – ओडिशा, मिझोराम, सिक्कीम आणि मणिपूर – अंतिम मतदार यादी प्रसिद्धी: ६ सप्टेंबर, २०२६ १ जुलै, २०२६ पासून: दादरा आणि नगर हवेली-दमण आणि दीव (डीएनएच आणि डीडी) अंतिम मतदार यादी प्रसिद्धी: ११ सप्टेंबर, २०२६ १ जुलै, २०२६ पासून: उत्तराखंड अंतिम मतदार यादी प्रसिद्धी: १५ सप्टेंबर, २०२६ १ जुलै, २०२६ पासून: आंध्र प्रदेश, अरुणाचल प्रदेश, हरियाणा आणि चंदीगड अंतिम मतदार यादी प्रसिद्धी: २२ सप्टेंबर, २०२६ १ ऑक्टोबर, २०२६ पासून: तेलंगणा आणि पंजाब अंतिम मतदार यादी प्रसिद्धी: १ ऑक्टोबर, २०२६ १ ऑक्टोबर, २०२६ पासून: कर्नाटक, मेघालय, महाराष्ट्र, झारखंड आणि दिल्ली अंतिम मतदार यादी प्रसिद्धी: ७ ऑक्टोबर, २०२६ १ ऑक्टोबर, २०२६ पासून: नागालँड अंतिम मतदार यादी प्रसिद्धी: २२ नोव्हेंबर २०२६ १ ऑक्टोबर, २०२६ पासून: त्रिपुरा अंतिम मतदार यादी प्रसिद्धी: २३ डिसेंबर, २०२६
