Eknath Shinde Resigned । महाराष्ट्राचे मुख्यमंत्री एकनाथ शिंदे यांनी आपल्या पदाचा राजीनामा दिला आहे. यासोबतच संपूर्ण मंत्रिमंडळानेही राजीनामा दिला आहे. महाराष्ट्राचे राज्यपाल सीपी राधाकृष्णन यांनी त्यांना पुढील सरकारच्या शपथविधीपर्यंत त्यांच्या पदावर राहण्यास सांगितले आहे.

मुख्यमंत्र्यांच्या राजीनाम्याने नव्या मुख्यमंत्र्यांबाबत सुरू असलेल्या चर्चेलाही पूर्णविराम मिळाला आहे. आता भाजप विधिमंडळ पक्षाच्या बैठकीनंतर आज नव्या मुख्यमंत्र्यांच्या नावाचीही घोषणा होणार असल्याचे मानले जात आहे.

राज्याला लवकरच नवा मुख्यमंत्री मिळणार Eknath Shinde Resigned । 

महाराष्ट्रात मुख्यमंत्रीपदावरून गेल्या तीन दिवसांपासून सुरू असलेला लढा मंगळवारी संपुष्टात आला. वास्तविक, महाराष्ट्राचे मुख्यमंत्री एकनाथ शिंदे यांनी आपल्या पदाचा राजीनामा दिला आहे. त्यामुळे महाराष्ट्राला लवकरच नवा मुख्यमंत्री मिळणार हे जवळपास निश्चित झाले आहे. देवेंद्र फडणवीस हे नवे मुख्यमंत्री होणार असल्याचे बोलले जात आहे. शिवसेनेचे गटप्रमुख एकनाथ शिंदे यांनी मंगळवारी भाजप विधीमंडळ पक्षाच्या बैठकीपूर्वी मुख्यमंत्रीपदाचा राजीनामा दिला आहे.

काळजीवाहू मुख्यमंत्री म्हणून एकनाथ शिंदेंनी नियुक्ती  Eknath Shinde Resigned । 
मुख्यमंत्री एकनाथ शिंदे यांनी राज्यपाल सीपी राधाकृष्णन यांना भेटून मुख्यमंत्रीपदाचा राजीनामा दिला. राज्यपालांनी हा राजीनामा स्वीकारून नवीन मुख्यमंत्र्यांची नियुक्ती होईपर्यंत शिंदे यांची काळजीवाहू मुख्यमंत्री म्हणून नियुक्ती करत असल्याचे पत्र त्यांना सुपूर्द केले. यावेळी देवेंद्र फडणवीस, अजित पवार, दीपक केसरकर, दादाजी भुसे आणि चंद्रकांत रघुवंशी हेदेखील उपस्थित होते.

हेही वाचा
‘एकनाथ शिंदे-देवेंद्र फडणवीस गुलाम ‘ ; मुख्यमंत्रीपदावरून संजय राऊत यांचे मोठे वक्तव्य