Maharashtra Politics : शेतकरी कर्जमाफीवरील अटी रद्द करण्याच्या मागणीसाठी पंढरपूरमध्ये सुरू असलेल्या आमदार रोहित पवार यांच्या अन्नत्याग आंदोलनादरम्यान राज्याच्या राजकारणात खळबळ उडवणारे वक्तव्य समोर आले आहे. शिवसेना (शिंदे गट)चे पंचायत समिती सभापती दत्तात्रय मगर यांनी आंदोलनाला पाठिंबा देताना, “अजितदादांप्रमाणेच एकनाथ शिंदे साहेबांचाही घात होऊ शकतो,” असे विधान केले. (Maharashtra Politics)

रोहित पवार यांच्या आंदोलनाचा आज दुसरा दिवस असून विविध पक्षांतील नेते त्यांची भेट घेऊन पाठिंबा व्यक्त करत आहेत. याच पार्श्वभूमीवर शिंदे गटाचे पदाधिकारी दत्तात्रय मगर यांनीही आंदोलनस्थळी भेट दिली. (Maharashtra Politics)

यावेळी प्रसारमाध्यमांशी बोलताना मगर म्हणाले, “मी सरकारमधला आहे, पण अजितदादांसोबत काय झाले हे सर्वांना माहिती आहे. मी शिवसेना शिंदे गटाचा पदाधिकारी आणि माळशिरस तालुका पंचायत समितीचा सभापती आहे. शेतकऱ्यांचा एक कैवारी आपल्यामधून कसा हिरावला गेला हे सर्वांनी पाहिलं. आता दुसऱ्या कैवाऱ्याला म्हणजेच रोहित पवार यांना जपण्याची गरज आहे.” (Maharashtra Politics)

 

यापुढे बोलताना त्यांनी, “मला एकनाथ शिंदे साहेबांचीही खंत वाटते. त्यांचाही असाच घात होऊ शकतो, अशी शक्यता वाटते. अजितदादा कसे गेले हे सर्वांना माहिती आहे,” असे वक्तव्य केले. त्यांच्या या विधानामुळे राज्याच्या राजकीय वर्तुळात नव्या चर्चांना तोंड फुटले आहे. (Maharashtra Politics)

दरम्यान, दत्तात्रय मगर यांच्या वक्तव्यावर अद्याप शिवसेना (शिंदे गट) किंवा महायुतीतील इतर नेत्यांकडून अधिकृत प्रतिक्रिया आलेली नाही. मात्र त्यांच्या या विधानाची राजकीय वर्तुळात जोरदार चर्चा सुरू झाली आहे. (Maharashtra Politics)