मुंबई : फडणवीस सरकारच्या कार्यकाळात विरोधकांचे फोन टॅप केल्याचा आरोप असताना, भाजप नेते एकनाथ खडसे यांचा फोन टॅप केल्याची जोरदार चर्चा सुरु आहे. फडणवीस सरकाने तीन मंत्र्यांचे फोन टॅपिंग केल्याचा आरोप आहे.

शिवसेना, राष्ट्रवादी, काँग्रेस पक्षांच्या तीन नेत्यांचे फडणवीस सरकाने फोन टॅप केल्याचा आरोप आहे. मात्र आता भाजपचे वरिष्ठ नेते एकनाथ खडसे यांचाही फोन टॅप केल्याची माहिती सूत्रांनी दिली. एकनाथ खडसे फडणवीस सरकारमध्ये महसूल मंत्री असताना त्यांच्यावर भ्रष्टाचाराचे आरोप झाले होते. या आरोपामुळे त्यांना आपले मंत्रिपद गमवावे लागले होते.