नवी दिल्ली – यंदा 23 ऑगस्टपासून देशात सणांचा हंगाम सुरू झाला आहे. हा उत्सव चंद्रावर चांद्रयानाच्या पोहोचण्याविषयी आहे. भारताच्या चंद्र मोहिमेच्या यशात इस्रोने महत्त्वाची भूमिका बजावली आहे. भारताच्या विकासाला गती देण्यासाठी हा महोत्सव आहे.

अवकाश तंत्रज्ञानाच्या सहाय्याने शाश्वतता आणि समानता आणण्यासाठी हा उत्सव आहे, असे प्रतिपादन पंतप्रधान नरेंद्र मोदी यांनी केले.
मोदी यांनी रविवारी भारतात सुरू असलेल्या बी-20 शिखर परिषदेला हजेरी लावली. यावेळी ते बोलत होते.

मोदी म्हणाले, दोन ते तीन वर्षांपूर्वी आपण सर्वात मोठ्या महामारीतून जात होतो. या महामारीने प्रत्येक देश, समाज, व्यवसाय क्षेत्र आणि कॉर्पोरेट घटकांना एक धडा दिला आहे. त्यामुळे आपल्याला परस्पर विश्वासात सर्वात जास्त गुंतवणूक करणे आवश्‍यक आहे, हे उमगले आहे. करोनाने जगातील परस्पर विश्वास नष्ट केला होता. या काळात जो देश पूर्ण सहिष्णुतेने आणि विश्वासाने उभा आहे तो म्हणजे भारत.

कोविड दरम्यान, भारताने 150 हून अधिक देशांना औषधे पुरवली आहेत. मोदीे म्हणाले की, बी20 चे हे व्यासपीठ व्यावसायिक जगतात काम करणाऱ्या अनेक भागधारकांना एकत्र आणत आहे. आर्थिक विकासाला चालना देण्यावर स्पष्ट लक्ष केंद्रित करणारा हा जी20 गटातील सर्वात महत्त्वाचा गट आहे.

कोटेशन –
पर्यावरण संरक्षणाच्या संदर्भात आता आपण हरित ऊर्जेवर लक्ष केंद्रित करत आहोत. ग्रीन हायड्रोजनमध्ये सौर ऊर्जेच्या यशस्वी वापराची प्रतिकृती तयार करण्याचा प्रयत्न करीत आहे. “ग्रीन क्रेडिट’ची बाब मी जगासमोर आणली आहे.

आपण सर्वांनी मिळून “ग्रीन क्रेडिट’ ही जागतिक चळवळ बनवायची आहे. जेवणाच्या टेबलावर आपण सर्वजण आपल्या आरोग्याचा विचार करतो, परंतु मला वाटते की आपण आपल्या पर्यावरणाचाही विचार केला पाहिजे.
– नरेंद्र मोदी, पंतप्रधान