ED raids in West Bengal। अंमलबजावणी संचालनालयाने (ईडी) आज पश्चिम बंगालची राजधानी कोलकातासह अनेक जिल्ह्यांमध्ये एकाच वेळी छापे टाकल्याची माहिती समोर आली आहे. वाळू तस्करी रॅकेटमध्ये सहभागी असलेल्या लोकांवर आणि कंपन्यांवर लक्ष ठेवून हे छापे टाकण्यात आल्याचे एका वरिष्ठ अधिकाऱ्याने म्हटले आहे.

ईडीचे एकूण २२ ठिकाणी छापे ED raids in West Bengal।

अधिकाऱ्यांनी दिलेल्या माहितीनुसार, या प्रकरणात बेहला, रेसिडेंट पार्क, विधाननगर आणि कल्याणी अशा अनेक भागात छापे टाकले जात आहेत. छापे टाकणाऱ्या ईडी अधिकाऱ्यांसोबत अनेक केंद्रीय सुरक्षा कर्मचारीही उपस्थित होते” असे सांगण्यात आले आहे. ईडीचे अधिकारी एकूण २२ ठिकाणी छापे टाकत आहेत. समोर आलेल्या माहितीनुसार, ईडीने अलीकडेच वाळू तस्करीबाबत नवीन एफआयआर नोंदवला आहे. वाळू तस्करीसंदर्भात अनेक जिल्ह्यांमध्ये ईडीची कारवाई सुरू आहे.

VIDEO | West Bengal: ED raids residence of sand mining businessman in West Medinipur.

STORY | ED conducts raids in several areas of West Bengal over sand smuggling racket

READ: https://t.co/wUGPQtKIdJ pic.twitter.com/dvjQz0aZ2s

— Press Trust of India (@PTI_News) September 8, 2025

अहवालानुसार, झारग्राममधील गोपीवल्लभपूरमध्ये छापे टाकण्यात आले. ईडीने स्वर्णरेखा नदीच्या काठावर असलेल्या व्यापारी शेख जहिरुल अली यांच्या घराची झडती घेतली. त्यांचे तीन मजली घर आहे आणि त्यांच्यावर अनेक वर्षांपासून वाळू तस्करीत सहभागी असल्याचा आरोप आहे. जहिरुल पूर्वी ग्रामीण पोलिसात होता, परंतु त्याने नोकरी सोडून वाळूचा व्यवसाय सुरू केला. एकूण ४-५ ईडी पथकांनी शोध मोहीम राबवली आणि सर्व ठिकाणी केंद्रीय सुरक्षा दल तैनात करण्यात आले आहेत.

अनंत बेरा यांच्या घरावर छापा ED raids in West Bengal।

ईडीच्या कोलकाता पथकाने झारग्राममध्येही छापे टाकले. अधिकाऱ्यांनी झारग्राममधील बेलियाटोर पोलिस ठाण्याअंतर्गत येणाऱ्या भामल गावात छापा टाकला. वाळू व्यापारी अनंत बेरा यांच्या घरी छापा टाकण्यात आला. यापूर्वी, अनंत बेरा यांचा मुलगा अमरजीत बेरा याला २ मे रोजी नयाग्राम पोलिसांनी अटक केली होती. त्याच्यावर बेकायदेशीर खाणकामासह अनेक आरोप आहेत.