Earthquake ।  राज्यतील भंडारा जिल्ह्यातील काही भागांमध्ये आज पहाटे भूकंपाचे सौम्य धक्के जाणवले आहेत. राष्ट्रीय भूकंपशास्त्र केंद्र (NCS) यांच्या माहितीनुसार तेलंगणा राज्यातील मुलुगू हे भूकंपाचे केंद्र आहे. जिल्ह्यात आज सकाळी 07.27 वाजता हे भूकंपाचे धक्के जाणवले आहेत. मिळालेल्या माहितीनुसार या भूकंपाची तीव्रता 5.3 किश्टर स्केल आहे.

समोर आलेल्या माहितीनुसार, “भंडारा जिल्ह्यात सध्याच्या अनुषंगाने कोणत्याच प्रकारचे नुकसान किंवा जीवितहानी झाल्याची झालेली आहे. नागरिकांनी कोणत्याही अफवांवर विश्वास ठेवू नये असे आवाहन जिल्हा प्रशासनाच्या वतीने करण्यात आले आहे. अधिक माहितीसाठी राष्ट्रीय भूकंप शास्त्र केंद्र यांच्या अधिकृत संकेतस्थळावर भेट देऊन माहिती घेता येईल,” असे प्रशासनाने सांगितले आहे.

जिल्हाधिकाऱ्यांकडून नागरिकांना आवाहन Earthquake । 
अशा प्रकारचे धक्के पुन्हा जाणवल्यास नागरिकांनी दक्षता घ्यावी व घाबरून न जाता इमारती बाहेर मोकळ्या जागेत सुरक्षित स्थळी आश्रय घ्यावा, असे आवाहन जिल्हाधिकारी संजय दैने यांनी केले आहे.

An earthquake with a magnitude of 5.3 on the Richter Scale hit Mulugu, Telangana at 7:27 AM today: National Center for Seismology pic.twitter.com/PKq7BnFxke

— ANI (@ANI) December 4, 2024

यावेळी भूकंपाची तीव्रता तुलनेने अधिक
मिळालेल्या माहितीनुसार महाराष्ट्राशी लागून असलेल्या तेलंगाणा या राज्यातील मुलुगू हा या भूकंपाचा केंद्रबिंदू आहे. महत्त्वाचे म्हणजे याआधीही याच भागात भूकंपाचे सौम्य धक्के बसले होते. यावेळी मात्र भूकंपाची तीव्रता अधिक होती. परिणामी या भूकंपाचे धक्के महाराष्ट्रातील काही सीमावर्ती जिल्ह्यांमध्ये बसले. यात भंडारा, गडचिरोली, चंद्रपूर, गोंदिया या जिल्ह्यांचा समावेश आहे. काही इतर राज्यांच्या सीमेवरही हे भूकंपाचे धक्के बसले आहेत. सकाळी साडे सात वाजेच्या सुमारास हे घटना घडल्या आहेत.

तेलंगणा, छत्तीसगढमध्येही भूकंपाचे धक्के  Earthquake । 
दरम्यान ,  आज  पहाटे तेलंगणामध्ये भूकंपाचे जोरदार धक्के जाणवले. नॅशनल सेंटर फॉर सिस्मॉलॉजीनुसार, तेलंगणातील मुलुगु जिल्ह्यात ५.३ रिश्टर स्केलचा भूकंप झाला, ज्याचे धक्के हैदराबादमध्येही जाणवले. सकाळी ७.२७ वाजता भूकंप झाला. त्याचे केंद्र जमिनीपासून 40 किलोमीटर खोल होते. त्यासोबतच या भूकंपाचे हादरे छत्तीसगढमध्येही जाणवले असल्याची माहिती समोर येत आहे.