पुणे :  आगामी संक्रांतीमुळे चिक्की गळास मागणी वाढली असून, दरात वाढ झाली मात्र मागणी कमी असल्यामुळे साखरेच्या दरातील घसरण सुरूच आहे. गेल्या आठवड्यातही दर आणखी २५ रुपयांनी उतरले. मात्र, आवक- जावक कमी असल्यामुळे खाद्यतेले, डाळींसह सर्वच जिनसांचे दर स्थिर असल्याचे येथील घाऊक बाजारातून सांगण्यात आले.

संक्रातीच्या सणासाठी गूळ पापडी, तीळवडी व इतर जिन्नस बनविण्यासाठी प्रामुख्याने चिक्की गुळाचा वापर होतो. संक्रांतींचा सण जवळ आला असून, यामुळे चिक्की गुळास मागणी वाढली आहे. इतर गुळाचाही खप वाढला आहे. यामुळे मध्यंतरी घसरलेले दर सुधारले असून, गेल्या आठवड्यात सर्व प्रकारच्या गुळाच्या दरात क्विंटलमागे ५० रुपयांनी वाढ झाली. सध्या बाजारात कऱ्हाड, तसेच केडगाव भागातून चिक्की गुळाची आवक होत आहे.

साखरेची आवक मुबलक प्रमाणात होत असून, कारखान्यांकडून विक्री मोठ्या प्रमाणात होत आहे. यामुळे दरात घसरण सुरूच आहे. गेल्या आठवड्यातही साखरेच्या दरात क्विंटलमागे आणखी २५ रुपयांनी घट झाली. शनिवारी येथील घाऊक बाजारात एस ३० साखरेचा प्रतिक्विंटलचा दर ३६५०-३७०० रुपये होता.

अन्नधान्ये, डाळी-कडधान्ये स्थिर
गव्हाची दरवाढ रोखण्यासाठी केंद्र सरकारने अन्न महामंडळामार्फत मिलबर गव्हाची विक्री सुरू केली आहे. यामुळे गव्हाची दरवाढ थांबली आहे. गेल्या आठवड्यातही मागणी साधारण असल्यामुळे ज्वारी, गहू, तांदळाचे दर स्थिर होते. नव्या तांदळाची आवक तुरळक प्रमाणात सुरू झाली आहे. मात्र, अद्याप दर टिकून असल्याचे सांगण्यात आले. मागणीअभावी रवा, मैदा, तसेच आट्याचे दर स्थिर होते. अद्यापही तुरडाळीचा तुटवडा असल्यामुळे तुरडाळीची दरवाढ कायम आहे. मात्र, हरभराडाळीचे दर मंदीतच आहेत.

निर्यात होत नसल्यामुळे सध्या शेंगदाण्याची आवक मुबलक प्रमाणात होत आहे. यामुळे दरात घसरण सुरूच आहे. गेल्या आठवड्यातही ही स्थिती कायम होती. भाताच्या दरवाढीमुळे पोह्यांच्या दरात मोठी वाढ झाली आहे. नवा भात उपलब्ध झाला असला, तरी दर तेजीत असल्यामुळे भाववाढ झाल्याचे सांगण्यात आले.

खाद्यतेले स्थिर
आंतरराष्ट्रीय बाजारात सोयाबीन, पामोलीन, तसेच सूर्यफूल तेलाचे दर स्थिरावले आहेत. स्थानिक बाजारात आवक- जावक कमी असल्यामुळे गेल्या आठवड्याही शेंगदाणा तेलांसह सर्वच खाद्यतेलाचे दर स्थिर होते. वनस्पती तूप आणि खोबरेल तेलाचे दरही स्थिर असल्याचे सांगण्यात आले.

बाजारातील दर पुढीलप्रमाणे –
साखर (प्रतिक्विंटल) ३६५०-३७०० रु.
खाद्यतेले (१५ किलो/लिटर):- शेंगदाणा तेल २४५०-२५३०, रिफाइंड तेलः २१५०-२७५०, सरकी तेल १९७५-२३००, सोयाबीन तेल १९५०-२२००, पामतेल १९००-२०५०, सूर्यफूल रिफाइंड तेल २०५०-२२००, वनस्पती तूप २०७०-२३५ ०. खोबरेल तेल ३४००-३५०० रु.
तांदूळ :- गुजरात उकडा ३५००-४०००, मसुरी ३५००-४०००, सोना मसुरी ४५००-५०००, एचएमटी कोलम ५५००-६५००, लचकारी कोलम ६५००-७०००, चिन्नोर ४५००-५०००, १९२१-११०००-११५००, आंबेमोहोर (सुवासिक) ७०००-८०००, बासमती अखंड १२०००-१३०००, बासमती दुबार ९५००-१००००, बासमती तिबार १००००-१०५००, बासमती मोगरा ५५००-६५००, बासमती कणी ४०००-४५००, १५०९-८५००-९५००, इंद्रायणी ५५००-६००० रु.
गहू- लोकवन नं. १४४००-४५००, लोकवन नं. २-३९००-४२००, नं. ३-३४००-३६००, सिहोर नं. १
५७००-६०००, सिहोर नं. २५०००-५०००, सिहोरी ४०००-४४००, मिलबर ३३००-३३५० रु. ज्वारी:- गावरान नं. १ ५२००-५५००, गावरान नं. २ ४५००-४८००, नं.३ ३५००-३८००, दुरी नं. १- ३६००-४०००, दूरी नं.२- ३२००-३५०० रु बाजरी:- महिको नं. १ ३७००-३८००, महिको नं २ ३३००-३५००, गावरान ३५००-३६००, हायब्रीड ३२००-३३०० रु.
गूळः- गूळ एक्स्ट्रा ४०००-४२५०, गूळ नं. १ ३८००-३९५०, गूळ नं. २ ३६५०-३७७५ गूळ नं. ३ ३४५०-३६००, नं. ४ ३२००-३३५० चिक्की बॉक्स पॅकिंग ४४००-४७००, कऱ्हाड बॉक्स पॅकिंग ४४००-५०००, केडगाव बॉक्स पॅकिंग ३३००-४१०० रु.
डाळी:- तूरडाळ १३०००-१६५००, हरभराडाळ ८०००-८२००, मूगडाळ ९८००-१००००, मसूरडाळ ७६००-७७००, मटकीडाळ ८२००-८३००, उडीदडाळ १००००-१२५०० रु.
कडधान्येः- हरभरा ७८००-८०००, हुलगा-७२००-७५०० चवळी ९०००-११०००, मसूर ६८००-६९००, मूग ८५००-९३००, मटकी गावरान ७५००-८०००, मटकी पॉलिश ६०००-६६००, मटकी गुजरात ६०००-६५००, मटकी राजस्थान ६०००-६५००, मटकी सेलम ९५००-१००००, वाटाणा हिरवा १७०००-२००००, वाटाणा पांढरा ४२००-४३००, काबुली चणा १२०००-१६००० रु.
साबुदाणा :- साबुदाणा नं. १ ६५००, साबुदाणा नं. २ ६०००, साबुदाणा नं. ३ ५८०० रु.
वरई भगर :- १०५००, सावा भगर १०००, गोटा खोबरे १८००-२००० रु. शेंगदाणा :- जाडा ९५००-९०००, स्पॅनिश १००००-१०५०० घुंगरू ९५०० टीजे ७२००-७२०० रु.
धने :- गावरान ८०००-९०००, इंदूर ११०००-१५००० रु.
पोहे : मध्य प्रदेश ४७००-५०००, पेण ४३००-४५००, मध्यम पोहा ४७००-४९००, दगडी पोहा ४७००-५१००, पातळ पोहा ५०००-५८००, सुपर पोहा ५३००-५८००, भाजका पोहा ६५०-७५०, मका पोहा ६२५-७२५, भाजके डाळे ४०००-४४००, मुरमुरा सुरती (९ किलोस) ५६०, भडंग ९००-१०५०, घोटी ५५० रु.
रवा, मैदा, आटा (५० किलोचा भाव) आटा १७५०-१८००, रवा १९३०-१९८०, मैदा १९३०-१९८०, बेसन :- (५० किलोस) ४६५०-४९५० रु.
मीठ :- मीठ खडे (५० किलोस) २२५, मीठ दळलेले (५० किलोस) २५० रु.
मिरचीः- काश्‍मिरी ढब्बी ३००००-३५०००, ब्याडगी १८०००-२१०००, लवंगी तेजा २०००-२२०००, गुंटूर १८०००-२००००, खुडवा गंटूर ७०००-८०००, खुडवा ब्याडगी ८०००-९००० रु.
नारळ :- (शेकड्याचा भाव): नवा पॅकिंग २००००२१००, मद्रास ३८००-३९००, पालकोल जुना २१००-२२००, सापसोल ३८००-३९०० रु.