पुणे, {प्रभात वृत्तसेवा} – कौटुंबिक न्यायालयातील वकिलांची संघटना असलेल्या द फॅमिली कोर्ट लॉयर्स असोसिएशन, पुणेच्या वार्षिक निवडणुकीचे अंतिम चित्र स्पष्ट झाले आहे. अध्यक्ष पदासाठी दुहेरी लढत होणार आहे.

विद्यमान अध्यक्ष अॅड. वैशाली चांदणे आणि माजी अध्यक्ष अॅड. गणेश कवडे यांच्यात ही निवडणूक होणार आहे. दि. २८ जून रोजी सकाळी १० ते दुपारी ४ या वेळेत मतदान होणार असून, त्याच दिवशी सायंकाळी मतमोजणी होऊन निकाल अॅड. अमृता गुरव देशमुख या निवडणूक निर्णय अधिकारी म्हणून काम पाहत आहेत.

वैशाली चांदणे अध्यक्ष पदासाठी उमेदवार असलेल्या समता पॅनेलकडून उपाध्यक्ष पदासाठी अॅड. प्रगती पाटील, अॅड. सिद्धार्थ देशपांडे, सचिव पदासाठी अॅड. झाकीर मणियार, सहसचिव पदासाठी अॅड. विजय सरोदे, खजिनदार पदासाठी अॅड. अनिशा फणसाळकर, तर सदस्य पदासाठी अॅड. सुप्रिया घाटपांडे-रिसबुड, अॅड. मंजु लुनिया, अॅड. मेमन तसलीम, अॅड. नम्रता भिलारे आणि अॅड. विष्णू खरात निवडणूक रिंगणात आहेत.

तर गणेश कवडे अध्यक्ष पदासाठी उमेदवार असलेल्या एकता परिवर्तन पॅनेलकडून उपाध्यक्ष पदासाठी अॅड.. स्मिता देशपांडे, अॅड. कल्पना निकम, सचिव पदासाठी अॅड. प्रथमेश भोईटे, सहसचिव पदासाठी अॅड. कोमल देशमुख, खजिनदार पदासाठी अॅड. भूषण कुलकर्णी, सदस्य पदासाठी अॅड. अश्मा मुलाणी, अॅड. अजित कदम, अॅड. जुही कुरेशी, अॅड. शर्वरी भंडारी आणि अॅड. राहुल जाधव-देशमुख निवडणूक लढत आहेत.