रायगड : रायगड जिल्ह्यातील उरण येथे JNPT बंदरात महसूल गुप्तचर संचलनालयाने मोठी कारवाई केलीय. या कारवाईत तब्बल 879 कोटी रुपये किमतीचे 293 किलोग्रॅम हेरॉईन जप्त करण्यात आले.

हे हेरॉईन इराणमार्गे अफगाणिस्तानमधून जवाहरलाल नेहरु पोर्ट ट्रस्ट बंदरात आयात करण्यात आले होते. जप्त केलेले हेरॉईन पंजाबला नेण्यात येणार असल्याचीही माहिती उघड झालीय. त्यामुळे पोलिसांनी तपासाची चक्रं फिरवली आहेत.

हेरॉईनची तस्करी करताना आरोपींनी कागदोपत्री तुर्टी आणि सुगंधी पावडरची वाहतूक करत असल्याचे दाखवले होते. त्यामुळे हे हेरॉईन आयातदारालाही पोलिसांनी अटक केलीय, अशी माहिती सूत्रांची दिलीय. संबंधित माल अफगाणिस्तानहून इराण मार्गे आल्याने पोलिसांचा संशय बळावला. त्यामध्ये बंदी असलेला माल असण्याचा संशय आल्यानंतर तात्काळ पोलिसांनी तपासणी केली. यात तब्बल 879 कोटी रुपये किमतीचे 293 किलोग्रॅम हेरॉईन जप्त करण्यात आले.

दरम्यान, अन्य एका प्रकरणात अंडरवर्ल्ड डॉन दाऊद इब्राहिमचा भाऊ इकबाल कासकरला एनसीबीनं अटक केली होती. मुंबईतील ड्रग्ज प्रकरणी एनसीबी इक्बाल कासकरची चौकशी सुरू आहे. त्याच्यावर काश्मीर येथून मोठ्या प्रमाणात हशीश आणून मुंबईत त्याची विक्री केल्याचा आरोप आहे. या रॅकेटवर एनसीबीचे झोनल डायरेक्टर समीर वानखेडे यांच्या पथकाने कारवाई केली आहे.