Dr. Deepak Shikarpur : गेल्या चार दशकांहून अधिक काळ सर्वसामान्यांमध्ये डिजिटल साक्षरता वाढविण्यासाठी कार्य करणारे डॉ. दीपक शिकारपूर यांचा समावेशक शिक्षणातील योगदानाबद्दल सन्मान करण्यात आला. राष्ट्रीय दृष्टिहीन महासंघ, महाराष्ट्रतर्फे त्यांना प्रशंसापत्र देण्यात आले.

डॉ. शिकारपूर यांनी लिहिलेल्या ६९ पुस्तकांपैकी अनेक पुस्तके ब्रेल आणि ध्वनिमुद्रित स्वरूपात उपलब्ध आहेत. राज्यातील दृष्टिहीन विद्यार्थी आणि शिक्षक या पुस्तकांचा अनेक वर्षांपासून उपयोग करत आहेत. त्यामुळे तंत्रज्ञान, करिअर आणि कृत्रिम बुद्धिमत्तेचे शिक्षण आपल्या गतीने घेणे त्यांना शक्य होत आहे.

या सन्मानात त्यांच्या बहुभाषिक आणि आवाजावर चालणाऱ्या एआय डिजिटल ट्विनचाही गौरव करण्यात आला. twin.deepakshikarpur.com वर २४ तास उपलब्ध असलेला हा एआय सहाय्यक करिअर मार्गदर्शन तसेच तंत्रज्ञानाशी संबंधित प्रश्नांची उत्तरे देतो. प्रत्येकाला आपल्या सोयीच्या भाषेत आणि माध्यमातून शिकता यावे, हा त्यांच्या कार्यामागील मुख्य उद्देश आहे.