Donald Trump on Xi Jinping। अमेरिकेचे राष्ट्राध्यक्ष डोनाल्ड ट्रम्प यांनी लागू केलेल्या टॅरिफ वॉरने संपूर्ण जगाला मोठा धक्का बसला आहे. मात्र सर्वात जास्त फटका चीनला बसल्याचे दिसत आहे. त्यामुळे आता अमेरिका आणि चीनमध्ये टॅरिफवरून वाद सुरू झाला आहे. दोन्ही देशांपैकी कोणीही झुकण्यास तयार नाही. दरम्यान, अमेरिकेचे अध्यक्ष डोनाल्ड ट्रम्प यांनी,”जर टॅरिफवर चर्चा करायची असेल तर चीनला पहिले पाऊल उचलावे लागेल” असे म्हणत आता चीनला इशारा दिला आहे.

चीन आणि इतर देशात फरक Donald Trump on Xi Jinping। 

राष्ट्राध्यक्ष ट्रम्प यांनी जारी केलेल्या निवेदनात, “टॅरिफवर कधी आणि कसे वाटाघाटी करायच्या हे चीनने ठरवायचे आहे. चीनला आपल्याशी सामना करावा लागेल. आम्हाला त्यांच्याशी व्यवहार करायचा नाही. चीन आणि इतर कोणत्याही देशात फरक आहे” असे म्हटले आहे.

व्हाईट हाऊसच्या प्रेस सेक्रेटरी कॅरोलिन लेविट यांनी, चीन अमेरिकन बाजारपेठेवर अवलंबून आहे. आपल्याकडे जे आहे ते चीनला हवे आहे. चीनला अमेरिकन ग्राहक हवे आहेत. त्यांना आमचे पैसे हवे आहेत.” असा दावा केला आहे. दरम्यान, व्हाईट हाऊसचे हे विधान अशा वेळी आले आहे जेव्हा चीनने बोईंगबाबत अमेरिकेसोबतच्या मोठ्या करारातून माघार घेतली आहे.

हे व्यापार युद्ध कोणीही जिंकणार नाही Donald Trump on Xi Jinping। 

दरम्यान, यापूर्वी चीनचे राष्ट्राध्यक्ष शी जिनपिंग यांनी अमेरिकेसोबतच्या व्यापार युद्धावर पहिली प्रतिक्रिया देताना म्हटले होते की, त्यांचा देश घाबरणार नाही. बीजिंगमध्ये जिनपिंग यांनी स्पेनचे पंतप्रधान पेड्रो सांचेझ यांना सांगितले की, हे व्यापार युद्ध कोणीही जिंकणार नाही. जगाविरुद्ध जाऊन तुम्ही फक्त स्वतःला वेगळे कराल. त्यांनी म्हटले होते की, ७० वर्षात चीनने स्वतःच्या मेहनतीच्या जोरावर विकास केला आहे. आम्ही कोणाच्याही दबावापुढे झुकणार नाही. अमेरिकेच्या या एकतर्फी दादागिरीविरुद्ध युरोपियन युनियनने एकत्र येण्याचे आवाहन जिनपिंग यांनी केले.

अमेरिकेसोबतच्या वाढत्या व्यापार युद्धादरम्यान चीन आणि युरोपियन युनियनमधील सहकार्य वाढवण्यावर शी जिनपिंग यांनी भर दिला. ते म्हणाले की, चीन आणि युरोपने त्यांच्या आंतरराष्ट्रीय जबाबदाऱ्या पार पाडल्या पाहिजेत आणि या एकतर्फी गुंडगिरीला संयुक्तपणे प्रत्युत्तर दिले पाहिजे. बुधवारी ट्रम्प यांनी अमेरिकेत चिनी उत्पादनांवर १२५ टक्के कर लादण्याची घोषणा केली होती हे ज्ञात आहे, परंतु व्हाईट हाऊसने नंतर पुष्टी केली की फेंटॅनिलवर चीनवर आधीच २० टक्के कर लादण्यात आला आहे, त्यामुळे चीनवरील कर दर १४५ टक्क्यांपर्यंत वाढला आहे.