Donald Trump on Afghanistan। अमेरिकेचे राष्ट्राध्यक्ष डोनाल्ड ट्रम्प यांनी राष्ट्राध्यक्षपदाचा कारभार हाती घेतल्यापासून जगाला सळो की पळो करून सोडले आहे. त्यातच आता त्यांनी आणखी एका राष्ट्राला धमकी दिली आहे. ट्रम्प यांनी याविषयी बोलताना,”जर अफगाणिस्तानने बग्राम हवाई तळाचे नियंत्रण अमेरिकेला परत केले नाही तर त्याचे गंभीर परिणाम भोगावे लागतील” अशी थेट धमकीच दिली आहे.

डोनाल्ड ट्रम्प यांनी त्यांच्या सोशल मीडियावर यासंदर्भात एक पोस्ट केली आहे. ज्यामध्ये त्यांनी, “जर अफगाणिस्तानने बग्राम हवाई तळ बांधणाऱ्या लोकांना, म्हणजेच अमेरिकेला परत केले नाही, तर वाईट गोष्टी घडतील.” असे म्हटले आहे. दरम्यान, ट्रम्प यांनी यापूर्वी म्हटले की, अमेरिका ११ सप्टेंबर २००१ च्या हल्ल्यानंतर अमेरिकन सैन्याने वापरलेल्या तळाचे नियंत्रण परत मिळवण्याची इच्छा आहे. शुक्रवारी त्यांनी पत्रकारांना सांगितले की या मुद्द्यावर अफगाण अधिकाऱ्यांशी चर्चा सुरू आहे. २०२१ मध्ये अमेरिकन सैन्याने अफगाणिस्तानातून माघार घेतल्यानंतर हा हवाई तळ तालिबान चळवळीच्या ताब्यात गेला. Donald Trump on Afghanistan। 

अफगाण अधिकाऱ्यांनी आधीच अमेरिकन लष्करी उपस्थितीच्या पुनरुज्जीवनाला विरोध केला आहे. अफगाणिस्तानच्या परराष्ट्र मंत्रालयाचे अधिकारी झाकीर जलाल यांनी सोशल मीडियावर, “अफगाणिस्तान आणि अमेरिकेने एकमेकांशी बोलले पाहिजे, परंतु अमेरिकेला अफगाणिस्तानच्या कोणत्याही भागात लष्करी उपस्थिती कायम ठेवण्याची आवश्यकता नाही.” असे म्हटले आहे.

“आम्हाला बग्राम परत हवे आहे” Donald Trump on Afghanistan। 

ब्रिटिश पंतप्रधान केयर स्टारमर यांच्याशी झालेल्या बैठकीत अमेरिकेचे अध्यक्ष ट्रम्प यांनी सांगितले की त्यांचे प्रशासन बग्राम हवाई तळावर पुन्हा नियंत्रण मिळवण्याचा प्रयत्न करत आहे. त्यांनी चीनच्या अण्वस्त्रांशी जवळीक असल्याचे प्राथमिक कारण म्हणून सांगितले. ट्रम्प यांनी माजी राष्ट्राध्यक्ष जो बायडेन यांच्या प्रशासनात याला संपूर्ण आपत्ती म्हटले आणि बायडेन प्रशासनाने दीर्घ युद्धातून अमेरिकन सैन्याच्या माघारीत गोंधळ घातला असे म्हटले.

दरम्यान , ट्रम्प म्हणाले, “आम्ही ते परत मिळवण्याचा प्रयत्न करत आहोत. आम्हाला ते तळ परत हवे आहेत कारण अफगाण अधिकाऱ्यांना आमची गरज आहे. आम्हाला ते तळ परत हवे आहे आणि त्याचे एक कारण म्हणजे ते चीनच्या अण्वस्त्र निर्मिती केंद्रापासून फक्त एक तासाच्या अंतरावर आहे.”