Donald Trump : होर्मूझच्या सामुद्रधुनीमधून जाणाऱ्या आणि भारतीय खलाशी असलेल्या जहाजांवर इराणने ड्रोन हल्ले केले होते, असा आरोप अमेरिकेचे अध्यक्ष डोनाल्ड ट्रम्प (Donald Trump) यांनी केला आहे. इराणची ही कृती अगती अमान्य आहे, असेही ट्रम्प यांनी म्हटले आहे. मात्र दुसरीकडे ट्रम्प यांनी केलेला हा आरोप बिनबुडाचा असल्याचे सांगून इराणने फेटाळून लावला आहे.

आठवड्यात ओमानच्या किनारपट्टीजवळ भारतीय खलाशी असलेल्या तीन जहाजांवर ड्रोन हल्ले करण्यात आले होते. त्यातील एका हल्ल्यामध्ये जहाजावरील तीन खलाशांचा बुधवारी मृत्यू झाला होता.

इराणने काल रात्री होर्मूझच्या सामुद्रधुनीतून (Donald Trump) जाणाऱ्या भारतीय जहाजावर केलेला ड्रोन हल्ला पूर्णपणे अमान्य आहे, असे ट्रम्प यांनी सोशल मीडियावर केलेल्या पोस्टमध्ये म्हटले आहे.

याच पोस्टमध्ये ट्रम्प यांनी शांतता कराराच्या अटी माध्यमांसमोर उघड केल्याचा आरोपही इराणवर केला आहे. उघड केलेल्या अटींबाबत चर्चाच झाली नसल्याचे ट्रम्प यांनी म्हटले आहे. ट्रम्प यांनी केलेला हा आरोप देखील इराणने सपशेल फेटाळून लावला आहे. होर्मूझच्या सामुद्रधुनीतून जाणाऱ्या जहाजांवरच्या हल्ल्यांविषयी ट्रम्प यांनी केलेला आरोप केवळ बिनबुडाचा आहे.

अमेरिकेनेच भारतीय खलाशी (Donald Trump) असलेल्या ३ जहाजांवर हल्ला केला होता, ओमानच्या किनाऱ्याजवळ झालेल्या या हल्ल्यात ३ निरपराध भारतीय खलाशांचा मृत्यू झाला होता. हे अतिशय दयनीय आहे. या तथ्यापासून दुसरीकडे लक्ष विचलित करण्याचा हा प्रयत्न आहे, असे इराणच्या भारतातील दूतावासाने शुक्रवारी रात्री सोशल मीडियावर केलेल्या पोस्टमध्ये म्हटले आहे. भारताने व्यापारी जहाजांवरील हल्ल्यांना ‘अत्यंत चिंताजनक’ म्हटले असून, हा मुद्दा अमेरिकेकडे तीव्रतेने मांडला आहे.