Donald Trump : डोनाल्ड ट्रम्प फिलिपिन्समध्ये दाखल; शी जिनपिंग आणि व्लादिमीर पुतिन यांच्यासोबत करणार चर्चा
चीनचे राष्ट्राध्यक्ष शी जिनपिंग आणि रशियाचे राष्ट्राध्यक्ष व्लादिमीर पुतिन यांच्यासोबत ऐतिहासिक त्रिपक्षीय अण्वस्त्र चर्चेसाठी तसेच उत्तर कोरियाचे नेते किम जोंग उन यांच्या संभाव्य भेटीसाठी चीनला रवाना होणार आहेत.

Donald Trump – अमेरिकेतील मध्यावधी निवडणुकांतील पराभव, विमान वाहतूक क्षेत्रातील मोठा विस्कळीतपणा आणि जागतिक कृत्रिम बुद्धिमत्ता (एआय) क्षेत्राला हादरवून सोडणाऱ्या प्रकरणामुळे देशांतर्गत अडचणीत सापडलेले अमेरिकेचे राष्ट्राध्यक्ष डोनाल्ड ट्रम्प मंगळवारी फिलिपिन्समध्ये दाखल झाले.
त्यांच्या तीन दिवसीय आशिया दौऱ्याचा हा पहिला टप्पा असून, यानंतर ते चीनचे राष्ट्राध्यक्ष शी जिनपिंग आणि रशियाचे राष्ट्राध्यक्ष व्लादिमीर पुतिन यांच्यासोबत ऐतिहासिक त्रिपक्षीय अण्वस्त्र चर्चेसाठी तसेच उत्तर कोरियाचे नेते किम जोंग उन यांच्या संभाव्य भेटीसाठी चीनला रवाना होणार आहेत.
आशियातील अमेरिकेचा सर्वात जुना मित्रदेश असलेल्या फिलिपिन्समध्ये ट्रम्प यांचे जंगी स्वागत करण्यात येत आहे. आग्नेय आशियाई राष्ट्रांच्या संघटनेच्या (आसियान) वार्षिक शिखर परिषदेत ट्रम्प यांना ‘सन्माननीय अतिथी’ म्हणून आमंत्रित करण्यात आले आहे.
मनिलामध्ये पोहोचल्यानंतर ट्रम्प लगेचच अमेरिका, ऑस्ट्रेलिया, भारत आणि जपान या चार देशांच्या ‘क्वाड’ गटाच्या नेत्यांच्या बैठकीत सहभागी होणार झाले.
ट्रम्प यांनी गेल्या वर्षी पुन्हा राष्ट्राध्यक्षपदाची सूत्रे स्वीकारल्यानंतरची ही पहिलीच शिखर बैठक असेल. यानंतर ट्रम्प थायलंडसोबत महत्त्वाच्या व्यापार करारावर स्वाक्षरी करणार आहेत.
गेल्या वर्षी ऑक्टोबरमध्ये जाहीर झालेल्या आराखड्यानुसार, थायलंड बहुतांश अमेरिकन वस्तूंवरील आयात शुल्क तसेच अमेरिकन वाहने, अन्नपदार्थ आणि औषधांवरील निर्बंध हटवणार आहे.
याशिवाय थायलंड अमेरिकन विमानांवर १८ अब्ज डॉलर्सपेक्षा अधिक खर्च करणार असून अमेरिकन कृषी उत्पादने आणि द्रवरूप नैसर्गिक वायू देखील खरेदी करणार आहे.






