Donald Trump। अमेरिकेचे राष्ट्राध्यक्ष डोनाल्ड ट्रम्प यांनी दावा केला की भारत आता रशियाकडून तेल खरेदी करणार नाही. पंतप्रधान नरेंद्र मोदी यांनी त्यांना याची खात्री दिली आहे असेही त्यांनी सांगितले. ट्रम्प यांच्या विधानानंतर भारतीय परराष्ट्र मंत्रालयाने लगेचच प्रतिक्रिया दिली. परराष्ट्र मंत्रालयाचे प्रवक्ते रणधीर जयस्वाल यांनी  याविषयी पहिली प्रतिक्रिया दिली आहे. त्यांनी याविषयी बोलताना,”भारत आपल्या लोकांच्या हिताचा विचार करून तेल आणि वायू आयात करतो.” असे म्हटले आहे. मात्र, त्यांनी ट्रम्प यांच्या दाव्यांचे थेट खंडन केले नाही.”

परराष्ट्र मंत्रालयाचे प्रवक्ते रणधीर जयस्वाल यांनी पुढे बोलताना म्हणाले, “भारत हा तेल आणि वायूचा एक महत्त्वाचा आयातदार आहे. अस्थिर ऊर्जा परिस्थितीत भारतीय ग्राहकांच्या हिताचे रक्षण करणे हे आमचे प्राधान्य राहिले आहे. आमचे आयात धोरण पूर्णपणे यावर आधारित आहे. स्थिर ऊर्जा किमती आणि सुरक्षित पुरवठा सुनिश्चित करणे हे आमच्या ऊर्जा धोरणाचे दोन प्रमुख उद्दिष्टे आहेत.” याअंतर्गत, आम्ही आमचे ऊर्जा स्रोत वाढवत आहोत आणि बाजारातील मागणीनुसार अनेक बदल करत आहोत.

ऊर्जेच्या मुद्द्यांवर अमेरिकेसोबतही चर्चा सुरू Donald Trump। 

परराष्ट्र मंत्रालयाने म्हटले आहे की, “अमेरिकेच्या बाबतीत, आम्ही अनेक वर्षांपासून आमची ऊर्जा खरेदी वाढवण्याचा प्रयत्न करत आहोत. गेल्या दशकात ही प्रक्रिया सातत्याने पुढे सरकली आहे. सध्याच्या अमेरिकन सरकारने भारतासोबत ऊर्जा सहकार्य मजबूत करण्यात रस दाखवला आहे. या विषयावर चर्चा सुरू आहेत.”

ट्रम्प यांनी भारताबद्दल काय दावा केला? Donald Trump। 

भारताने रशियाकडून तेल खरेदी केल्याबद्दल ट्रम्प यांना मोठ्या समस्या होत्या. त्यांनी या कारणास्तव भारतावर ५० टक्के कर देखील लादला. तथापि, ट्रम्प यांनी बुधवारी एक आश्चर्यकारक दावा केला. व्हाईट हाऊसमध्ये पत्रकारांशी बोलताना ते म्हणाले की, पंतप्रधान मोदींनी त्यांना आश्वासन दिले आहे की भारत यापुढे रशियाकडून तेल खरेदी करणार नाही. तथापि, भारताने वारंवार स्पष्ट केले आहे की ते आपल्या लोकांच्या हिताचा विचार करून रशियाकडून तेल खरेदी करत राहील.