Ganeshotsav Festival 2026 : गणेशोत्सवाच्या पार्श्वभूमीवर सोलापूर जिल्ह्यात प्रशासनाने मोठा निर्णय घेतला आहे. सार्वजनिक गणेश मंडळांच्या गणेशमूर्ती आगमन आणि विसर्जन मिरवणुकांमध्ये डॉल्बी सिस्टीम आणि लेझर लाईट शोच्या वापरावर बंदी घालण्यात आली आहे. (Ganeshotsav Festival 2026 )

ही बंदी 13 सप्टेंबर ते 26 सप्टेंबर 2026 या कालावधीत लागू राहणार आहे. जिल्हादंडाधिकारी एस. कार्तिकेयन यांनी भारतीय नागरिक सुरक्षा संहिता, 2023 मधील कलम 163(1) अंतर्गत याबाबत आदेश जारी केले आहेत. (Ganeshotsav Festival 2026)

डॉल्बी-लेझरमुळे आरोग्याला धोका?

सोलापूर जिल्ह्यात गणेशोत्सव मोठ्या उत्साहात आणि पारंपरिक पद्धतीने साजरा केला जातो. गणेशमूर्ती आगमन आणि विसर्जनावेळी सार्वजनिक मंडळांकडून मोठ्या मिरवणुका काढल्या जातात. या मिरवणुकांमध्ये डॉल्बी सिस्टीम आणि लेझर लाईटचा मोठ्या प्रमाणात वापर होण्याची शक्यता असते. (Ganeshotsav Festival 2026)

प्रशासनाच्या म्हणण्यानुसार, डॉल्बीच्या मोठ्या आवाजामुळे मिरवणुकीत सहभागी होणाऱ्या नागरिकांच्या आरोग्यावर विपरीत परिणाम होऊ शकतो. काही घटनांमध्ये कान आणि छातीशी संबंधित त्रास निर्माण होऊन गंभीर परिणाम झाल्याचे आदेशात नमूद करण्यात आले आहे. (Ganeshotsav Festival 2026)

लेझर लाईट थेट डोळ्यांवर पडल्यास धोका

लेझर लाईट थेट डोळ्यांवर पडल्यास विशेषतः लहान मुले आणि ज्येष्ठ नागरिकांच्या डोळ्यांना इजा होण्याची शक्यता असते. डोळ्यांच्या पडद्यावर आणि बुबुळावर परिणाम होऊ शकतो. (Ganeshotsav Festival 2026)

गणेशोत्सवाच्या मिरवणुकांमध्ये अशा घटनांची पुनरावृत्ती होऊन नागरिकांच्या आरोग्याला किंवा जीविताला धोका निर्माण होऊ नये, यासाठी प्रशासनाने हा प्रतिबंधात्मक निर्णय घेतला आहे. (Ganeshotsav Festival 2026)

13 ते 26 सप्टेंबरपर्यंत बंदी

भारतीय नागरिक सुरक्षा संहिता, 2023 मधील कलम 163(1) नुसार मानवी जीवित, आरोग्य किंवा सुरक्षिततेला धोका निर्माण होण्याची शक्यता असल्यास जिल्हादंडाधिकाऱ्यांना प्रतिबंधात्मक आदेश जारी करण्याचे अधिकार आहेत. (Ganeshotsav Festival 2026)

त्याअंतर्गत 13 सप्टेंबर ते 26 सप्टेंबर 2026 या कालावधीत सोलापूर जिल्ह्यात सार्वजनिक गणेशोत्सव मंडळांच्या स्थापना आणि विसर्जनाच्या दिवशी आयोजित मिरवणुकांमध्ये डॉल्बी सिस्टीम आणि लेझर लाईट शो वापरण्यास प्रतिबंध करण्यात आला आहे. (Ganeshotsav Festival 2026)

आदेश मोडल्यास फौजदारी कारवाई

या आदेशाचे उल्लंघन करणाऱ्या व्यक्तींवर फौजदारी कारवाई करण्यात येईल, असा स्पष्ट इशारा जिल्हादंडाधिकारी एस. कार्तिकेयन यांनी दिला आहे. त्यामुळे यंदाच्या गणेशोत्सवात सोलापूर जिल्ह्यात गणेश मंडळांना मिरवणुकीदरम्यान डॉल्बी आणि लेझरपासून दूर राहावे लागणार आहे. (Ganeshotsav Festival 2026)