Dokadia family death : मुंबईतील पायधुनी परिसरातील डोकाडिया कुटुंबातील चौघांच्या संशयास्पद मृत्यू प्रकरणाचा अखेर ११ दिवसांनी उलगडा झाला आहे. सुरुवातीला कलिंगड खाल्ल्यामुळे मृत्यू झाल्याची शक्यता व्यक्त केली जात होती. मात्र आता उंदीर मारण्यासाठी वापरल्या जाणाऱ्या ‘झिंक फॉस्फाईट’ या विषारी रसायनामुळेच चौघांचा मृत्यू झाल्याचे समोर आले आहे. (Dokadia family death) २६ तारखेला अब्दुल्ला डोकाडिया (४४), पत्नी नसरीन (३५), मुलगी आयेशा (१६) आणि झैनब (१३) यांचा काही तासांच्या अंतराने मृत्यू झाला होता. चौघांनी रात्री कलिंगड खाल्ले होते, त्यामुळे सुरुवातीला अन्नातून विषबाधा झाल्याचा संशय व्यक्त करण्यात आला होता. (Dokadia family death) तपासादरम्यान चौघांच्या शरीरात तसेच कलिंगडाच्या नमुन्यांमध्ये झिंक फॉस्फाईटचे अंश आढळले. हे रसायन सामान्यतः उंदीर मारण्याच्या औषधात वापरले जाते. कलिना येथील एफएसएल प्रयोगशाळेतील तपासणीत ही माहिती समोर आली आहे. (Dokadia family death) विष शरीरात गेल्यानंतर चौघांना उलट्यांचा त्रास सुरू झाला होता. त्यानंतर त्यांनी फॅमिली डॉक्टरकडे उपचार घेतले आणि पुढे रुग्णालयात दाखल करण्यात आले होते. मात्र उपचारादरम्यान त्यांचा मृत्यू झाला. (Dokadia family death) दरम्यान, हे विष त्यांच्या शरीरात नेमके कसे गेले, हा मोठा प्रश्न अद्याप कायम आहे. पोलिस आता ही आत्महत्या होती की कोणीतरी विष देऊन हत्या केली, याचा तपास करत आहेत. या धक्कादायक घटनेमुळे मुंबईत मोठी खळबळ उडाली आहे. (Dokadia family death)