Divyanka Tripathi: छोट्या पडद्यावरील लोकप्रिय अभिनेत्री दिव्यांका त्रिपाठी  (Divyanka Tripathi)  सध्या तिच्या प्रेग्नन्सीमुळे चर्चेत आली आहे. ‘ईशी माँ’ म्हणून घराघरात प्रसिद्ध असलेली दिव्यांका ४१ व्या वर्षी आई होणार असल्याची बातमी समोर आल्यानंतर चाहत्यांमध्ये आनंदाचे वातावरण आहे. नुकतेच तिने पती विवेक दहिया याच्यासोबत काही खास फोटो सोशल मीडियावर शेअर केले आहेत. या फोटोंमध्ये तिचा प्रेग्नन्सी ग्लो स्पष्ट दिसून येत असून, चाहते तिच्यावर कौतुकाचा वर्षाव करत आहेत.

दिव्यांकाने शेअर केलेल्या फोटोंमध्ये ती पांढऱ्या रंगाच्या सुंदर गाऊनमध्ये दिसत आहे. तर विवेक दहियानेही पांढऱ्या रंगाचा शर्ट परिधान केला आहे. दोघांचा साधा पण अतिशय सुंदर लूक चाहत्यांना खूप आवडला आहे. या फोटोंमध्ये दिव्यांकाचा बेबी बंपही दिसत असून, तिच्या चेहऱ्यावरचा आनंद आणि आत्मविश्वास लक्ष वेधून घेत आहे. (Divyanka Tripathi)

फोटो शेअर करताना दिव्यांकाने एक भावूक कॅप्शनही लिहिले आहे. ती म्हणाली, “एकमेकांचे घर होण्यापासून आता आणखी एका छोट्या जीवासाठी घर तयार करण्यापर्यंतचा हा प्रवास खूप खास आहे.” पुढे तिने लिहिले की, “हा प्रवास कसा असेल हे आम्हाला माहीत नाही, पण तो आमच्या आयुष्यातील सर्वात सुंदर प्रवास असेल, याची खात्री आहे.”

दिव्यांकाच्या या पोस्टनंतर सोशल मीडियावर चाहत्यांनी शुभेच्छांचा वर्षाव केला आहे. अनेकांनी तिच्या स्माईलचे आणि प्रेग्नन्सी ग्लोचे कौतुक केले आहे. काहींनी तिला “क्युट मॉम टू बी” असेही म्हटले आहे.  (Divyanka Tripathi_

दिव्यांका आणि विवेक यांची जोडी टेलिव्हिजन इंडस्ट्रीतील लोकप्रिय जोडप्यांपैकी एक मानली जाते. दोघांची पहिली भेट प्रसिद्ध टीव्ही मालिका ‘ये है मोहब्बतें’ च्या सेटवर झाली होती. मैत्रीचे रूपांतर प्रेमात झाले आणि नंतर दोघांनी ८ जुलै २०१६ रोजी भोपाळमध्ये लग्न केले.

लग्नानंतर अनेक वर्षांनी आता हे दोघे आई-वडील होणार असल्याने त्यांच्या चाहत्यांमध्येही उत्साहाचे वातावरण आहे. सोशल मीडियावर सध्या त्यांच्या या फोटोंची जोरदार चर्चा सुरू आहे.

दिव्यांकाचा साधेपणा, भावूक कॅप्शन आणि सुंदर फोटो पाहून चाहते पुन्हा एकदा तिच्या प्रेमात पडले आहेत. तिच्या या खास क्षणांमध्ये चाहत्यांनीही आनंदाने सहभाग घेतला असून, अनेक सेलिब्रिटींनीही या जोडप्याला शुभेच्छा दिल्या आहेत.