मुंबईतील सॉफिटेल हॉटेलमध्ये आदित्य ठाकरेंसोबत कोणतीही भेट अथवा बैठक झालीच नाही. आम्ही दोघे समोरासमोरही आलो नाही. आदित्य ठाकरे आणि मी वेगवेगळ्या कार्यक्रमासाठी हॉटेलमध्ये आलो होते, असे मुख्यमंत्री देवेंद्र फडणवीस यांनी सांगितले. तर आदित्य ठाकरे यांनी मुख्यमंत्री आणि माझ्यात कोणतीही भेट झाली नाही. माझ्या मित्रांसोबत डिनरसाठी आलो होतो, असे स्पष्टीकरण देत ही बातमी अफवा असल्याचे सांगितले आहे.

एकनाथ शिंदेंना लगावला टोला 

काल शनिवारी संध्याकाळी साधारण साडेसहा ते रात्री ९ वाजेपर्यंत मुख्यमंत्री देवेंद्र फडणवीस आणि आमदार आदित्य ठाकरे यांच्यात भेट झाल्याची बातमी धडकली. आदित्य ठाकरे यांनी हॅाटेलमधून बाहेर पडताना स्मित हास्य केले अशाही बातम्या समोर आल्या होत्या. त्यामुळे चर्चांना अधिक उधाण आले होते. देवेंद्र फडणवीस आणि माझ्यामध्ये भेटीच्या बातम्या ऐकत होतो. एक व्यक्ती आता बातम्या पाहून गावी जाईल असे वाटतेय, असे म्हणत आदित्य ठाकरे यांनी उपमुख्यमंत्री एकनाथ शिंदे यांचे नाव न घेता त्यांना टोला लगावला.

हेही वाचा : Pune : महापालिकेच्या शाळा वाऱ्यावर; शिक्षकांची तब्बल २४७ तर मुख्याध्यापकांची ५७ पदे रिक्त