वॉशिंग्टन ।  ऐतिहासिक ठिकाणी उत्खननादरम्यान काही ना काही सापडते पण एका सामान्य व्यक्तीने घरामागे खोदकाम केल्यानंतर त्याला तिथं हाडंच हाडं सापडली.

ही हाडं पाहून सुरुवातीला तो घाबरला. पण नंतर त्याने ती हाडं जोडून आकार देण्याचा प्रयत्न केला. तेव्हा ही हाडे कोणत्याही सामान्य प्राण्यांची नाही तर स्टेगोसॉरस डायनासोरची असल्याचे लक्षात आले ज्याला ‘अपेक्स’ असं नाव देण्यात आलं होतं.

अमेरिकेतील कोलोरॅडो इथं राहणाऱ्या या व्यक्तीचे नाव जेसन कूपर असे असून काही महिन्यांपूर्वी घराच्या मागे खोदकाम करत असताना त्याला हाडं दिसली. ती जमा करून त्याने घरी आणली आणि त्यांना बांधून आकार देण्याचा प्रयत्न केला. आता याच हाडांनी त्याला अब्जाधीश बनवलं आहे.

अपेक्स स्टेगोसॉरस डायनासोर 11 फूट लांब आहे. त्यात सुमारे 319 हाडे आहेत. त्याची रचना असे सूचित करते की ती खूप मजबूत असावी. असेही पुरावे आहेत की कदाचित त्याला संधिवात आहे, ज्यामुळे तो बराच काळ जगला. सोथबीज या लिलाव कंपनीने सांगितले की ते इतके दिवस कडक वाळूच्या दगडात जतन केले गेले होते, त्यामुळे त्याची हाडे खराब झाली नाहीत.

हा सांगाड्याचा जगातील सर्वात मोठा लिलाव म्हणून वर्णन केला जात आहे. जेव्हा तो न्यूयॉर्कमध्ये लिलावासाठी ठेवण्यात आला तेव्हा 7 लोकांनी ते विकत घेण्यासाठी बोली लावली. ही हाडं लिलावात 4.46 कोटी डॉलर्स म्हणजे अंदाजे 373 कोटी रुपयांना विकली गेली. या लिलावाने सांगाड्यांच्या लिलावाचे सर्व विक्रम मोडीत काढले आहेत. हा आतापर्यंतचा सर्वात महागडा जीवाश्म बनला आहे. अंदाजे किमतीपेक्षा सुमारे 11 पट अधिक दराने त्याची विक्री झाल्याचे बोलले जात आहे.खुल्या बाजारात विकले असते तर कदाचित जास्त पैसे मिळाले असते.

पण जीवाश्मशास्त्रज्ञांच्या मते, हा सांगाडा एखाद्या श्रीमंत माणसाला विकण्याऐवजी संग्रहालयात ठेवायला हवा होता. स्कॉटलंडमधील एडिनबर्ग विद्यापीठातील जीवाश्मशास्त्राचे प्राध्यापक स्टीव्ह ब्रुसॅट यांनी मे महिन्यात सीएनएनला सांगितले की, एपेक्स हे डायनासोरचे महत्त्वपूर्ण जीवाश्म आहे. ही अत्यंत लाजिरवाणी बाब आहे, लोकांमध्ये याची इतकी उत्सुकता असताना ती श्रीमंत माणसाला का विकली जात आहे