Dhanashree Verma’s song goes viral after divorce with Yuzvendra Chahal : जवेंद्र चहल आणि धनश्री वर्मा यांचा घटस्फोट झाला आहे. डिसेंबर २०२० मध्ये झालेले हे लग्न पाच वर्षांनी संपुष्टात आले आहे. गुरुवारी युजवेंद्र आणि धनश्री मुंबईतील वांद्रे कोर्टात पोहोचले, जिथे ते कायमचे वेगळे झाले. चहलच्या वकिलाने असेही सांगितले की न्यायालयाने त्यांचा घटस्फोट मंजूर केला आहे. मात्र, घटस्फोटाच्या दिवशी धनश्रीचे नवीन गाणे रिलीज झाले आहे, जे सोशल मीडियावर वाऱ्यासारखे व्हायरल होत आहे. घटस्फोटानंतर धनश्रीने तिच्या इंस्टाग्राम पेजवर तिच्या नवीन गाण्याचे पोस्टर शेअर केले आहे.

धनश्रीच्या गाण्याने सोशल मीडियावर घातला धुमाकूळ –

#DhanashreeVerma unveils new song on toxic relationship amid divorce with #YuzvendraChahal pic.twitter.com/KZQL4Kmgf2

— ShoneeKapoor (@ShoneeKapoor) March 20, 2025

खरंतर, धनश्रीचे नवीन गाणे गुरुवारी सकाळी टी-सीरीजच्या यूट्यूब चॅनलवर अपलोड करण्यात आले. दरम्यान, चहलपासून घटस्फोट घेतल्यानंतर धनश्रीने तिच्या इंस्टाग्राम अकाउंटवर त्याचे पोस्टर शेअर केले. हे गाणे व्हायरल होण्याचे कारण म्हणजे त्याचे बोल. गाण्याचे बोल आहेत, ‘देखा जी देखा मैंने गैरों के बिस्तर पर अपनों को सोते देखा।” चाहते या गाण्याला चहलशी जोडत आहेत.

https://twitter.com/krazyxuser/status/1902676943168061897

कारण काही दिवसांपूर्वी युजवेंद्र आणि धनश्रीच्या घटस्फोटाच्या अफवा सुरु होत्या होत्या, त्यावेळी युजवेंद्र चहल आरजे माहवशसोबत चॅम्पियन्स ट्रॉफीच्या अंतिम सामना पाहण्यासाठी गेला होता, ज्याचे फोटो सोशल मीडियावर व्हायरल झाले होते.

गुरुवारी युजवेंद्र चहल प्रथम वांद्रे कोर्टात पोहोचला, त्यानंतर धनश्री देखील तिच्या कुटुंबासह थोड्याच वेळात हजर झाली. चहलने चेहऱ्यावर मास्क लावलेला दिसला. त्यानंतर भारतीय क्रिकेटपटू आणि धनश्री न्यायालयात दंडाधिकाऱ्यांसमोर हजर झाले आणि त्यांचा घटस्फोट मंजूर झाला. न्यायालयातून बाहेर पडल्यानंतर चहलच्या वकिलाने ही माहिती दिली.

हेही वाचा – IPL 2025 Riyan Parag : राजस्थानचा मोठा निर्णय! पहिल्याच सामन्यात रियान पराग विराटच्या खास क्लबमध्ये होणार सामील

युजवेंद्र धनश्रीला ४.७५ कोटी रुपये पोटगी देणार –

घटस्फोटासाठी युजवेंद्र चहल धनश्रीला ४.७५ कोटी रुपये पोटगी देणार आहे. चहलने धनश्रीला आधीच २.३७ कोटी रुपये दिले आहेत, अशी माहिती न्यायालयाने दिली आहे. दोघांनीही २०२० मध्ये लग्न केले होते. आयपीएल आणि भारतीय संघाच्या सामन्यांमध्ये धनश्री अनेक वेळा चहलला प्रोत्साहन देताना दिसली. परंतु, वृत्तांनुसार, चहल आणि धनश्री २०२२ पासून वेगळे राहत होते. दोघांनीही ५ फेब्रुवारी रोजी घटस्फोटासाठी अर्ज दाखल केला होता. यानंतर दोघांनी त्यांचे लग्न वाचवण्यासाठी सहा महिन्यांचा कूलिंग ऑफ पिरियड घेण्यास स्पष्टपणे नकार दिला होता.