Devendra Fadnavis : मुख्यमंत्री देवेंद्र फडणवीस (Devendra Fadnavis) यांच्या वाढदिवसानिमित्त नाम फाऊंडेशन व भारतीय जनता युवा मोर्चाच्या वतीने निगडे मोसे येथे विविध समाजोपयोगी उपक्रमांचे आयोजन करण्यात आले.

पर्यावरण संवर्धन, जलसंधारण आणि सामाजिक बांधिलकीचा संदेश देत नवीन शेततळ्याची निर्मिती, देशी वृक्षांची लागवड तसेच गरजू विद्यार्थ्यांना शैक्षणिक साहित्याचे वाटप करण्यात आले.

यावेळी जलसंधारणाचे महत्त्व अधोरेखित करत पावसाचे पाणी अडवून ते जमिनीत मुरविण्यासाठी नवीन शेततळ्याची निर्मिती करण्यात आली. त्यामुळे भूजल पातळी वाढण्यास मदत होण्याबरोबरच परिसरातील शेतीला दीर्घकालीन लाभ (Devendra Fadnavis) मिळणार असल्याचे उपस्थितांनी सांगितले.

तसेच पर्यावरणाचा समतोल राखण्यासाठी आणि जैवविविधतेचे संवर्धन करण्याच्या उद्देशाने विविध देशी वृक्षांची लागवड करण्यात आली. लावलेल्या वृक्षांचे संगोपन करण्याचा संकल्पही यावेळी करण्यात आला.

शिक्षणापासून कोणताही विद्यार्थी वंचित राहू नये, या उद्देशाने गरजू विद्यार्थ्यांना शैक्षणिक साहित्य व मदतीचे वाटप करण्यात आले. समाजोपयोगी कार्यातून मुख्यमंत्री देवेंद्र फडणवीस यांचा वाढदिवस साजरा करण्याचा हा उपक्रम उपस्थितांच्या विशेष पसंतीस उतरला.

या कार्यक्रमास (Devendra Fadnavis) भाजप युवा मोर्चाचे सदस्य सागर भूमकर, युवा मोर्चा जिल्हाध्यक्ष वैभव सोळणकर, युवा मोर्चा महिला अध्यक्षा रसिका सणस, दत्तात्रय तागुंदे, खानापूर गावचे माजी सरपंच शरद जावळकर, प्रशांत दारवटकर, नाम फाऊंडेशनचे निलेश जावळकर, योगेश्वर बनकर, निगडे मोसे प्राथमिक शाळेचे मुख्याध्यापक संजय खवले, भास्कर बैनवाड यांच्यासह पदाधिकारी, कार्यकर्ते आणि ग्रामस्थ मोठ्या संख्येने उपस्थित होते.