Nepal Flood News – नेपाळमध्ये तिबेटला लागून असलेल्या दोन जिल्ह्यांमध्ये आज अचानक आलेल्या पुरामुळे प्रचंड हानी झाली. बुधवारी सकाळी आलेल्या या पुरात किमान दोन जण मरण पाले असून नदीकाठची सार्वजनिक बांधकामे आणि घरांचे प्रचंड नुकसान झाले आहे. तसेच किमान एक डझन जलविद्युत प्रकल्पांचेही नुकसान झाले आहे.

सकाळी ९ वाजण्याच्या सुमारास तिबेटमधून नेपाळमध्ये येणाऱ्या भोते कोशी नदीला अचानक पूर आला. या पुराचा फटका रसुवा आणि धाजिंग या तिबेटला लागून असलेल्या दोन जिल्ह्यांना फटका बसला. राजधानी काठमांडूच्या नैऋत्येकडील नुवाकोट जिल्ह्याही याच जिल्ह्यांना लागून आहे.

रसुवामधील पूर नेपाळमध्ये सुरू असलेल्या पावसामुळे आला नसून तिबेटमध्ये झालेली अतिवृष्टी आणि भूस्खलनामुळे आला असल्याचे अधिकाऱ्यांनी सांगितले. मात्र अचानक आलेल्या या पुराचे नेमके कारण अजून स्पष्ट व्हायचे आहे. हे नवीन हिमनदी निर्माण झाल्याने किंवा जुनी हिमनदी फुटल्यामुळे हा पूर आला असावा, असा अंदाज आहे.

अचानक आलेल्या पुरानंतर अधिकाऱ्यांनी नेपाळ लष्कराच्या मदतीने बाधित भागांमध्ये शोध आणि बचाव कार्य सुरू केले आहे. रसुवा, नुवाकोट, धादिंग आणि चितवन यांसह अनेक खालच्या प्रवाहातील जिल्ह्यांमध्ये उच्च सतर्कतेचा इशारा देण्यात आला आहे.

रसुवा, नुवाकोट, धादिंग, चितवन आणि गोरखा या नद्यांच्या काठाजवळील रहिवाशांना नेपाळच्या राष्ट्रीय आपत्ती जोखीम निवारण आणि व्यवस्थापन प्राधिकरणाने पुढील सूचना मिळेपर्यंत सतर्क राहून सुरक्षेची उपाययोजना करण्याचे आवाहन केले आहे.

मदत आणि बचाव कार्य वेगाने सुरू

परिस्थितीचा आढावा घेण्यासाठी पंतप्रधान बलेंद्र शाह यांच्या अध्यक्षतेखाली आपत्कालीन बैठक झाली. त्यानंतर, बचाव आणि मदत कार्यासाठी नेपाळ लष्कर, सशस्त्र पोलीस दल आणि नेपाळ पोलीस दलाच्या जवानांना बाधित भागांमध्ये तैनात करण्यात आले. मदत आणि शोध कार्यासाठी १२ हेलिकॉप्टर मदत करत आहेत. पुरामधून ६ जणांना वाचवण्यात आले. लष्करी प्रशिक्षण संस्थेमध्ये जखमींवरील उपचारांची व्यवस्था केली गेली आहे.

रसुवा जिल्ह्यामध्ये सर्वाधिक हानी

रसुवा जिल्ह्यातील तिमुरे आणि जवळच्या श्याफ्रुबेसी परिसरात पाण्याच्या पातळीत अचानक वाढ झाल्याने मोठ्या प्रमाणावर विध्वंस झाला. वाहने, माल आणि इतर मालमत्ता या पुरात वाहून गेली, असे नेपाळ लष्कराने म्हटले आहे. काठमांडूच्या ईशान्येला सुमारे १२५ किलोमीटर अंतरावर, तिबेट सीमेजवळ वसलेले रसुवा हे सर्वाधिक प्रभावित क्षेत्र आहे.

नुवाकोट जिल्ह्यातील बिदूर नगरपालिकेत अचानक आलेल्या पुरानंतर तीन पुरुष आणि एका महिलेचे मृतदेह पुराच्या पाण्यातून बाहेर काढण्यात आले. नेहमीच्या पुरापेक्षा या पुराचे प्रमाण भयावह होते. अनेक वाहने वाहून गेली आहेत. नव्याने बांधलेला पूल उद्ध्वस्त झाला आहे.

जलविद्युत प्रकल्पांचेही नुकसान

अचानक आलेल्या पुरामुळे नुवाकोट आणि रसुवा जिल्ह्यांमधील एकूण ३५४ मेगावॅट क्षमतेचे कार्यरत आठ जलविद्युत प्रकल्प आणि बांधकाम सुरू असलेल्या पाच प्रकल्पांचे नुकसान झाले. पुरामुळे रसुवागढी, संजेन खोला आणि अप्पर त्रिशुली या प्रमुख कार्यरत जलविद्युत प्रकल्पांचे नुकसान झाले.

याशिवाय स्याफ्रुबेसी, बेत्रावती, मैलुंग, सल्लेतर, शांतीबाजार, पायरेबेसी, खलटी बस्ती, सोले, त्रिशूली आणि बत्तारसह सुमारे डझनभर वस्त्या प्रभावित झाल्या आहेत. बेपत्ता झालेल्या नागरिकांबरोबर सशस्त्र दलाचे ४ कर्मचारीही वाहून गेल्याची भीती आहे.