Pravin Tarde : सामाजिक आशय आणि प्रभावी कथेमुळे चर्चेत राहिलेला मराठी चित्रपट ‘देऊळ बंद 2’ आता चित्रपटगृहांत पाहता येणार नाही.

प्रदर्शित झाल्यानंतर तब्बल 75 दिवसांचा यशस्वी प्रवास पूर्ण केल्यानंतर निर्माते-दिग्दर्शक आणि अभिनेता प्रवीण तरडे यांनी हा चित्रपट सर्व थिएटरमधून काढण्याचा निर्णय जाहीर केला आहे. यासोबतच त्यांनी ‘देऊळ बंद 3’ लवकरच प्रेक्षकांच्या भेटीला येणार असल्याचीही घोषणा केली आहे.  (Pravin Tarde)

 

21 मे 2026 रोजी प्रदर्शित झालेल्या ‘देऊळ बंद 2’ला प्रेक्षकांकडून उत्स्फूर्त प्रतिसाद मिळाला. सामाजिक प्रश्नांवर भाष्य करणारी कथा, धार्मिक श्रद्धा-अंधश्रद्धेचा वेध, ग्रामीण जीवनाचे वास्तव आणि मानवी नातेसंबंध यांचे प्रभावी चित्रण यामुळे हा चित्रपट विशेष चर्चेत राहिला.  (Pravin Tarde)

मनोरंजनासोबतच विचार करायला भाग पाडणारा आशय हे या चित्रपटाचे प्रमुख वैशिष्ट्य ठरले.

या चित्रपटात मोहन जोशी, महेश मांजरेकर, प्रसाद ओक, प्रवीण तरडे, स्नेहल तरडे, ओम भुतकर आणि मंगेश देसाई यांनी महत्त्वाच्या भूमिका साकारल्या आहेत. कलाकारांच्या दमदार अभिनयामुळे चित्रपटातील प्रत्येक पात्र अधिक वास्तववादी आणि प्रभावी वाटले.  (Pravin Tarde)

चित्रपटाला 75 दिवस पूर्ण झाल्यानंतर प्रवीण तरडे यांनी सोशल मीडियावर पोस्ट करत हा निर्णय जाहीर केला. त्यांनी लिहिले, “देऊळ बंद 2 ला 75 दिवस पूर्ण झाले. सिनेमा सर्व चित्रपटगृहातून काढत आहोत. तुम्ही दिलेल्या यशाबद्दल कायम तुमच्या ऋणात.”  (Pravin Tarde)

याच पोस्टमध्ये त्यांनी चाहत्यांसाठी आणखी एक आनंदाची बातमी दिली. “लवकरच ‘देऊळ बंद 3’ घेऊन पुन्हा भेटायला येऊ,” असे सांगत त्यांनी चित्रपटाच्या तिसऱ्या भागाची अधिकृत घोषणा केली.