Delhi thar Accident। नवी दिल्लीतील ११ मूर्तीजवळील चाणक्यपुरी याठिकाणच्या पॉश परिसरात एका भरधाव वेगाच्या थारने दोन जणांना चिरडल्याची घटना घडली आहे. यामध्ये एकाचा जागीच मृत्यू झाला. तर एक गंभीर जखमी झाला. ज्याला रुग्णालयात दाखल करण्यात आले आहे. अपघाताचे ठिकाण राष्ट्रपती भवनापासून २ किमी अंतरावर असून आज सकाळीच हा भीषण अपघात झाल्याचे सांगण्यात येत आहे समोर आलेल्या माहितीनुसार, मृत व्यक्ती रस्त्यावरून चालत होता. यादरम्यान थारने त्याला धडक दिली. त्यामुळे त्याचा जागीच मृत्यू झाला. धडकेनंतर थार दुभाजकाला धडकला. त्यामुळे थारचे पुढचे चाकही निखळले. प्रत्यक्षदर्शींच्या मते, अपघातानंतर मृताचा मृतदेह एक तास रस्त्यावरच राहिला. Delhi thar Accident। चाणक्यपुरी पोलिस ठाण्याने सांगितले की, एका भरधाव वेगाच्या थारने दोन जणांना चिरडले. त्यामुळे एकाचा जागीच मृत्यू झाला. त्याच वेळी एक गंभीर जखमी झाला. ज्याला उपचारासाठी रुग्णालयात दाखल करण्यात आले आहे. टक्कर इतकी जोरदार होती की थारचे पुढचे चाक निखळले. सध्या थार चालकाला ताब्यात घेण्यात आले आहे. तसेच, थार जप्त करण्यात आले आहे. थारमधून दारूच्या बाटल्याही जप्त करण्यात आल्या आहेत. या प्रकरणात पुढील कारवाई केली जात आहे. आरोपी थार चालक हा २६ वर्षीय तरुण आहे. पोलिसांच्या म्हणण्यानुसार, आरोपीने त्याच्या मित्राकडून थार घेतला होता. चौकशीदरम्यान त्याने सांगितले की तो झोपी गेला होता, ज्यामुळे हा अपघात झाला. मात्र, त्याने दारू प्यायली होती की नाही याचा तपास पोलिस करत आहेत. त्यासाठी आरोपीची वैद्यकीय तपासणी केली जाईल. कारमधून दारूच्या बाटल्या सापडल्या आहेत. ज्याची फॉरेन्सिक टीमने तपासणी देखील केली आणि बाटलीचे बोटांचे ठसे देखील घेण्यात आले आहेत. Delhi thar Accident।
