Delhi Suicide Case । दिल्लीतील वसंत कुंज परिसरात एकाच कुटुंबातील पाच जणांनी आत्महत्या केल्याची खळबळजनक घटना समोर आलीय. ही घटना रंगपुरी गावात घडली. माहिती मिळाल्यानंतर पोलीस या प्रकरणाचा तपास करण्यात व्यस्त आहेत. पीडितेच्या चारही मुली अपंग असल्याचे सांगण्यात येत आहे.

दिल्लीतील वसंत कुंज परिसरातील रंगपुरी गावात एकाच कुटुंबातील पाच जणांनी विषारी द्रव्य प्राशन करून आत्महत्या केल्याची घटना शुक्रवारी शेजाऱ्यांनी पोलिसांना कळवल्यानंतर उघडकीस आली. या घटनेची माहिती मिळताच पोलीस घटनास्थळी पोहोचले असता खोलीचा दरवाजा आतून बंद होता. दरवाजा तोडला असता पाच कुजलेल्या अवस्थेत मृतदेह आढळून आले.

पोलिसांनी मृतदेह बाहेर काढले. सध्या पोलीस या प्रकरणाच्या तपासात व्यस्त आहेत. एका व्यक्तीने आणि त्याच्या चार मुलींनी आत्महत्या का केली, याचा शोध घेण्याचा पोलिस प्रयत्न करत आहेत.

दिल्ली पोलिसांच्या म्हणण्यानुसार, सुरुवातीच्या तपासात असे दिसते की वडिलांनी आधी विषारी द्रव्य सर्वांना खायला दिले आणि नंतर स्वतः खाल्ले. शवविच्छेदन अहवाल आणि तपासानंतर घटनेचा क्रम कळेल, असे पोलिसांचे म्हणणे आहे. अपंग मुलींच्या वडिलांनी वाईट परिस्थितीमुळे आत्महत्येसारखे पाऊल उचलले असावे, असा संशय पोलिसांनी व्यक्त केला आहे.

पीडित मुलगी सुतारकाम करायची Delhi Suicide Case । 

दिल्ली पोलिसांनी दिलेल्या माहितीनुसार, वडील हिरालाल हे सुताराचे काम करतात आणि त्यांच्या पत्नीचे एक वर्षापूर्वी कर्करोगाने निधन झाले. त्यानंतर हिरालाल एकटे पडले होते. पत्नीच्या निधनाने हिरालाल पूर्णपणे तुटून पडला होता. सीसीटीव्ही फुटेजमध्ये वडील २४ तारखेला घरात जाताना दिसत आहेत. तेव्हापासून घराचा दरवाजा आतून बंद होता.

चारही मुली अपंग होत्या Delhi Suicide Case । 

दिल्ली पोलिसांनी दिलेल्या माहितीनुसार, सुताराच्या चारही मुली अपंग असल्यानं चारही मुलींना चालता येत नसल्याचं पोलिसांच्या प्राथमिक तपासात समोर आलं आहे. यातील एक मुलगी अंध होती. एकाला चालायला त्रास होत होता.

हेही वाचा
“जगन रेड्डी घरात बायबल वाचतात…” ; तिरुपतीच्या लाडू प्रकरणात पत्नीचा धर्मही चर्चेत