Delhi Excise Case । बीआरएसच्या नेत्या  के. कविता यांच्या समोरील अडचणी काही केल्या संपत नाहीत. दिल्ली मद्य धोरण घोटाळ्याशी संबंधित मनी लॉण्डरिंग प्रकरणी कविता अटकेत आहेत. दरम्यान, कविता यांना न्यायालयाने 23 मार्चपर्यंत अंमलबजावणी संचालनालयाच्या (ईडी) कोठडी सुनावली आहे.

आठ दिवसांची कोठडी मंजूर Delhi Excise Case ।

के कविता या तेलंगणाचे माजी मुख्यमंत्री केसीआर यांच्या कन्या आहेत. त्यांना शुक्रवारी हैदराबाद येथून अटक करण्यात आली होती. त्यानंतर त्यांना दिल्लीत न्यायालयात हजर करण्यात आले. ईडीने के कविता यांच्या 10 दिवसांची न्यायालयीन कोठडी मागितली होती. त्यानंतर न्यायालयाने आठ दिवसांची कोठडी मंजूर केली. ईडीने शुक्रवारी सकाळी कविता यांच्या हैदराबाद येथील निवासस्थानावर छापा टाकला होता.

दिल्ली मद्य धोरण घोटाळ्याशी संबंधित मनी लॉन्ड्रिंग प्रकरणात ईडीने त्यांना दिल्ली न्यायालयात हजर केले. तेव्हा बीआरएस नेत्या के कविता यांनी, “माझी अटक बेकायदेशीर आहे, आम्ही त्याला न्यायालयात आव्हान देऊ.” असे म्हटले होते. कविता यांना विशेष न्यायाधीशांच्या न्यायालयात हजर करण्यात आले. एम के नागपाल यांची ओळख झाली.

बीआरएस नेत्या कविता यांच्या वकिलाने न्यायालयाला सांगितले की, अटकेच्या लेखी आधारावर माझा आक्षेप आहे. मला ते वाचण्याची परवानगी द्या. कविताचे वकील विक्रम चौधरी यांनी कविताशी बोलण्यासाठी पाच मिनिटे मागितली, त्याला परवानगी देण्यात आली.

अटक बेकायदेशीर आणि सत्तेचा दुरुपयोग Delhi Excise Case ।

बीआरएस नेत्या के कविता यांच्या वकिलाने ईडीच्या अटकेला चुकीचे म्हटले आहे. सर्वोच्च न्यायालयात प्रकरण प्रलंबित असताना कविता यांना अटक कशी करता येईल, असे ते म्हणाले. ईडीनेच कविताला अटक होणार नसल्याचे हमीपत्र सर्वोच्च न्यायालयात दिले होते. अशा स्थितीत ही अटक बेकायदेशीर आणि सत्तेचा दुरुपयोग आहे.असे त्यांनी यावेळी म्हटले.  ते म्हणाले की, ईडीची संपूर्ण कारवाई चुकीची आहे. कविता यांना त्रास देण्यासाठी ही कारवाई करण्यात आली.” असल्याचा आरोप त्यांनी केला.

वकिलाने सांगितले की, ३ जानेवारी रोजी के कविता यांना समन्स प्राप्त झाले होते, ज्याचे उत्तर त्या अधिकाऱ्याला देण्यात आले होते. के कविता यांच्या वकिलाने सांगितले की, काल सर्वोच्च न्यायालयात झालेल्या सुनावणीवर ईडीने कोणतेही उत्तर दिले नाही.