पिंपरी  – केंद्रीय गृहमंत्री अमित शाह यांच्या १५ आणि १६ नोव्हेंबरच्या पुणे दौऱ्यात ऑटो-टॅक्सी चालकांच्या शिष्टमंडळाची त्यांच्यासोबत भेट घडवून आणावी, अशी मागणी ऑटो टॅक्सी ट्रान्सपोर्ट फेडरेशन ऑफ इंडिया आणि महाराष्ट्र रिक्षा पंचायतीचे संस्थापक अध्यक्ष डॉ. बाबा कांबळे यांनी केली आहे. याबाबत त्यांनी पुणे जिल्हाधिकारी तसेच पुणे आणि पिंपरी-चिंचवड पोलीस आयुक्तांना निवेदन दिले आहे.

दुचाकी टॅक्सी बंदीची प्रभावी अंमलबजावणी, चालकांसाठी स्वतंत्र कल्याणकारी महामंडळाची स्थापना आणि एटीएस सेंटर व सीएनजी सिलिंडर तपासणीतील जाचक अटी दूर कराव्यात, अशा प्रमुख मागण्या आहेत. या प्रश्नांवर चर्चा करण्यासाठी १५ नोव्हेंबरला आळंदी येथे राज्यस्तरीय बैठकही आयोजित केली आहे.

राजकीय पातळीवर पुढाकार न मिळाल्यास स्व. गिरीश बापट आणि अजित पवार यांची पोस्टर हातात घेऊन अमित शाह यांचे लक्ष वेधण्यात येईल. शांततापूर्ण मार्गाने मागण्या मांडण्यात येतील, असा इशारा डॉ. कांबळे यांनी दिला आहे.

Pune News : बाहुल्यांचा खेळ, चित्रकलेतून फुलला बालदिन!