Deepika Padukone : बॉलीवूड अभिनेत्री दीपिका पदुकोन (Deepika Padukone) आई झाल्यानंतर सध्या तिची लेक दुआसोबत वेळ घालवत आहे. मात्र नुकतेच तिने इन्स्टाग्रामवर शेअर केलेली एक स्टोरी प्रत्येक आईसाठी चर्चेचा विषय ठरली आहे. दीपिकाने एका रीलच्या माध्यमातून आपल्या मनातील भावना मांडल्या आहेत. दीपिकाने पोस्टमध्ये मिश्किलपणे लिहिलंय की, “माझं टॉक्सिक ट्रेट हे आहे की, माझं माझ्या बाळावर इतकं प्रेम आहे की मला वाटतं दुसऱ्या कोणाही तिला पाहू नये…. पण मला ब्रेकचीही गरज आहे… मी तिच्याशिवाय राहू शकत नाही… मला दिवसातील २४ तास शांतता हवी आहे… पण तरीही मला २४ तास तिच्याच सोबत राहायचं आहे.” याद्वारे दीपिकाने मुलांवरचे प्रेम आणि स्वतःसाठी हव्या असलेल्या मोकळ्या वेळेतील संघर्ष सुंदररित्या व्यक्त केल्या आहेत. (Deepika Padukone) Deepika Padukone काही दिवसांपूर्वी पार पडलेल्या ‘WAVES 2025’ समिटमध्ये दीपिकाने आई झाल्यानंतरच्या बदलांवर भाष्य करत म्हणाली, ‘आई होणं हा माझ्यासाठी एक पुनर्जन्म आहे. आधी माझं आयुष्य फक्त माझ्याबद्दल होतं, माझं घर, करिअर, महत्त्वाकांक्षा. पण आता अचानक माझ्याकडे एका अशा जीवाचा ताबा आहे, जो प्रत्येक गोष्टीसाठी माझ्यावर अवलंबून आहे. ही जबाबदारी मला जीवनाकडे अधिक शिस्तीने आणि जागरूकपणे पाहायला शिकवते.’ (Deepika Padukone) दीपिका आणि पती रणवीर सिंह यांनी दुआला एका सामान्य आणि साध्या वातावरणात वाढवायचं असल्याचे ठरवले आहे. ज्यामुळे फिल्मी कुटुंबात जन्मल्यामुळे येणारा प्रसिद्धीचा दबाव तिला जाणवणार नाही. दीपिकाने आपल्या मुलीच्या सुरक्षेला प्राधान्य देत तिच्या सामान्य आयुष्यासाठी खास खबरदारी घेतली आहे. Deepika Padukone हेही वाचा : Prakash Ambedkar Tweet : …तर नरेंद्र मोदी यांनी खुर्ची खाली करावी; प्रकाश आंबेडकरांचं मोठं वक्तव्य, नेमकं काय म्हणाले?