Dashavatar Movie Box Office : १२ सप्टेंबर या दिवशी मराठीतील कांतारा अशी उपमा देण्यात आलेल्या दशावतार हा सिनेमा रिलीज झाला आहे. गेल्या काही दिवसांपासून या सिनेमाची जोरदार चर्चा होती. अखेर हा सिनेमाा प्रेक्षकांच्या भेटीला आला आहे. याच दिवशी मराठीत इतर दोन अशी एकूण तीन सिनेमे रिलीज झाले आहेत. आरपार आणि बिन लग्नाची गोष्ट अशी या सिनेमांची नाव आहेत.

आता यापैकी कोणता सिनेमा बॅाक्स अॅाफिस गाजवणार याकडं सगळ्याचं लक्ष लागलं आहे. अशातच आता पहिल्या दिवशीच्या कमाईत दशावतार आघाडीवर असल्याचं दिसत आहे. आकड्यांनुसार दशावतार सिनेमाने पहिल्या दिवशी चांगली कमाई केली आहे. ‘सॅकनिल्क’च्या आकड्यांनुसार दशावतार सिनेमानं पहिल्याच दिवशी वर्ल्डवाइड तब्बल ६५ लाखांची कमाई केली आहे. तर भारतात सिनेमानं ५८ लाखांचा गल्ला जमवला आहे. यामुळे सोशल मीडियावर दशावतार, आरपार आणि बिन लग्नाची गोष्ट या तिन्ही सिनेमांची चर्चा सुरू असून दशावताराने बाजी मारली असल्याचं दिसत आहे.

दशावतार या सिनेमाच्या ट्रेलर आणि गाण्यांनी सिनेमाची उत्सुकता वाढली होती. तसेच सोशल मीडियावर देखील सिनेमाची जोरदार चर्चा सुरू होती. ही चर्चा होण्याचं सगळ्यात महत्वाचं कारण म्हणजे या सिनेमात ज्येष्ठ अभिनेते दिलीप प्रभाळवकर यांचे समोर आलेले एकएक लुक. या सिनेमात त्यांनी वयाच्या ८१ व्या वर्षी केलेल्या दमदार अभिनयाचं भरभरून कौतुक केलं जात आहे.

दुसरी महत्वाची बाब म्हणजे या सिनेमाची स्टारकास्ट. दिलीप प्रभाळवकर यांच्यासोबत अभिनेते महेश मांजेकर, भरत जाधव यांच्या खास भूमिका आहेत. तसेच सिद्धार्थ मेनन, अभिनय बेर्डे, प्रियदर्शिनी इंदलकर या तरुण कलाकारांचीही फौज सिनेमात आहे. या सिनेमाचं दिग्दर्शन सुबोध खानोलकर यांनी केलं आहे.

हेही वाचा : Jagdish Singh Patani : ८-१० राऊंड्स फायर झाले अन्…; दिशा पटानीच्या वडिलांनी सांगितला घटनेचा थरार, म्हणाले “हे योगीजींचे राज्य त्यामुळे…”