Actress Death : बॉलिवूडमधून एक अत्यंत धक्कादायक आणि चटका लावणारी बातमी समोर आली आहे. अभिनेत्री आलिया भट्ट आणि शेफाली शाह यांच्या बहुचर्चित ‘डार्लिंग्स’ चित्रपटात महिला कॉन्स्टेबलची (Actress Death) प्रभावी भूमिका साकारणारी अभिनेत्री दिव्या विनेकर हिचे अचानक निधन झाले आहे.

तिच्या या अकस्मात जाण्याने संपूर्ण चित्रपटसृष्टी आणि चाहत्यांना मोठा धक्का बसला असून सर्वत्र हळहळ व्यक्त केली जात आहे. तिच्या मृत्यूचे नेमके कारण अद्याप गुलदस्त्यात असून याविषयी कोणतीही अधिकृत माहिती समोर आलेली नाही.

दिव्याच्या निधनाची ही दुःखद बातमी तिची जवळची मैत्रीण आणि प्रसिद्ध आरजे रोहिणी रामनाथन हिने सोशल मीडिया पोस्टद्वारे सर्वांसमोर आणली. रोहिणीने इन्स्टाग्रामवर एक भावूक पोस्ट शेअर करत दिव्याच्या (Actress Death) आठवणींना उजाळा दिला. तिने पोस्टमध्ये लिहिले की, आपली लाडकी ‘डीव्ही’ (दिव्या विनेकर) आता आपल्यात राहिलेली नाही हे सांगताना मन अतिशय हेलावून गेले आहे.

हे अत्यंत अनपेक्षित आणि अचानक घडले आहे. तिचे कुटुंब आणि तिच्यावर जीवापाड प्रेम करणारे लोक सध्या प्रचंड दुःखात आहेत, त्यामुळे अशा कठीण काळात प्रत्येकाने त्यांच्या गोपनीयतेचा आदर करावा आणि त्यांना कोणतेही प्रश्न विचारून भंडावून सोडू नये, अशी कळकळीची विनंती रोहिणीने केली आहे.

दिव्या विनेकर हिने २०२२ मध्ये प्रदर्शित झालेल्या ‘डार्लिंग्स’ चित्रपटात साकारलेली महिला पोलीस कर्मचाऱ्याची भूमिका प्रेक्षकांच्या विशेष लक्षात राहिली होती. याशिवाय तिने २०२२ मध्येच विद्या बालन आणि शेफाली शाह यांच्या ‘जलसा’ या थरारपटातही महत्त्वाची भूमिका निभावली होती.

अभिनयाच्या प्रवासापूर्वी दिव्याने डिजिटल मार्केटिंग क्षेत्रात जवळपास एक तप (१० वर्षे) काम केले होते. त्यानंतर २०१८ मध्ये तिने आपल्या अभिनय प्रवासाला खऱ्या अर्थाने सुरुवात केली. अभिनयासोबतच ती एक उत्कृष्ट (Actress Death) डिजिटल कंटेंट क्रिएटर, स्वतंत्र लेखिका आणि संवेदनशील कवयित्री म्हणूनही ओळखली जात होती. तिच्या मनमिळाऊ स्वभावामुळे चित्रपटसृष्टीतील तिचे मित्र आणि सहकारी सध्या तिच्या अचानक जाण्याने सुन्न झाले आहेत.