Danni Wyatt Hodge Record ICC Womens T20 WC 2026 Final ENG vs AUS : आयसीसी महिला टी-२० विश्वचषक २०२६ चा अंतिम सामना क्रिकेटची पंढरी मानल्या जाणाऱ्या लॉर्ड्स मैदानावर खेळवला जात आहे. ऑस्ट्रेलिया आणि इंग्लंड या पारंपरिक प्रतिस्पर्ध्यांमधील या जेतेपदाच्या सामन्यात ऑस्ट्रेलियाची कर्णधार सोफी मोलिन्यू हिने टॉस जिंकून प्रथम गोलंदाजी करण्याचा निर्णय घेतला. प्रथम फलंदाजी करताना इंग्लंडची सुरुवात अतिशय खराब झाली. इंग्लंडची सलामीवीर डॅनी वायट-हॉज हिने मैदानात उतरताच जागतिक क्रिकेटच्या इतिहासात एका अभूतपूर्व विक्रमाची नोंद केली आहे.

विश्वचषकाच्या एकाच हंगामात ३०० धावा करणारी पहिली फलंदाज –

डॅनी वायट-हॉज आयसीसी महिला टी-२० विश्वचषकाच्या इतिहासात एकाच हंगामात ३०० हून अधिक धावा करणारी जगातील पहिली महिला खेळाडू ठरली आहे. इंग्लंडसाठी सर्वाधिक टी-२० सामने खेळणाऱ्या डॅनीला हा टप्पा गाठण्यासाठी फायनलमध्ये केवळ ६ धावांची गरज होती. सामन्याच्या चौथ्या षटकातील पहिल्या चेंडूवर तिने सहावी धाव घेत मूनी आणि लेनिंगचा रेकॉर्ड मोडला. यापूर्वी २०२० च्या विश्वचषकात ऑस्ट्रेलियाच्या बेथ मूनीने सर्वाधिक २५९ धावा केल्या होत्या, तर २०१४ मध्ये मेग लेनिंगने २५७ धावा केल्या होत्या.

Danni Wyaat-Hodge becomes the first player to score 300+ in a single ICC WT20WC.

No Aussies in the top 5 batters.#ENGvAUS #T20WorldCup #Lords #London #T20 #EnglandCricket #CricketAustralia #NatSciverBrunt pic.twitter.com/oLlHg2RJTv

— lightningspeed (@lightningspeedk) July 5, 2026

स्मृती मानधना टॉप-४ मध्ये; इंग्लंडचे १५० धावांचे आव्हान!

We got unlucky, guys. Danni Wyatt ended her T20 World Cup campaign with 302 runs at an average of 60 and a strike rate of over 150. What a tournament! pic.twitter.com/PkA0rG22mc

— Silme (@silme47) July 5, 2026

डॅनी वायट-हॉज सध्या स्वप्नवत फॉर्ममध्ये आहे. तिने चालू विश्वचषकात ७ सामन्यांत ६०.४० च्या सरासरीने ३०२ धावा कुटल्या असून यात एक शतक आणि दोन अर्धशतकांचा समावेश आहे. या यादीत दक्षिण आफ्रिकेची तझमीन ब्रिट्स २२५ धावांसह दुसऱ्या, स्कॉटलंडची कार्टर २०८ धावांसह तिसऱ्या, तर भारताची स्मृती मानधना चौथ्या क्रमांकावर आहे.

हेही वाचा – Gurnoor Ten Wickets : ६ फूट ५ इंचाच्या गुरनूर ब्रारने लंकन फलंदाजांना पाजलं पाणी! १० विकेट्स घेत ‘इंडिया ए’ला मिळवून दिला विजय

अंतिम सामन्यात इंग्लंडने निर्धारित २० षटकांत ४ बाद १५० धावा केल्या असून ऑस्ट्रेलियाला जेतेपदासाठी १२० चेंडूंत १५१ धावांची (७.५५ प्रति षटक) गरज आहे. या संपूर्ण स्पर्धेत दोन्ही संघ अजेय (Unbeaten) राहिले आहेत. इंग्लंडने दक्षिण आफ्रिकेला ४० धावांनी नमवून फायनल गाठली होती. आता २००९ नंतर घरच्या मैदानावर पुन्हा एकदा विश्वविजेते बनण्याची इंग्लंडला सुवर्णसंधी आहे.