महाबळेश्वर: गेल्या काही दिवसांपासून महाबळेश्वर येथील प्रसिद्ध वेण्णा लेक येथील पर्यटकांनी गजबजलेल्या वाहनतळात साचलेल्या चिखलामधून गाडी चालवत जीवेघेणे स्टंट करण्याचा प्रकार समोर आला होता. येथील साचलेल्या चिखलात चार चाकी वाहनांचे जीवघेणे स्टंट करून त्याचे व्हिडिओ सोशल मीडियावर व्हायरल करून लाइक मिळविण्याचा टुकारपणा काही युवकांकडून सुरू होता. अखेर ही बाब दैनिक प्रभात दि. ११ जून रोजीच्या अंकात पोलीस प्रशानाच्या निर्दशनास आणून दिली. महाबळेश्वर पोलीस प्रशासनाने तात्काळ याची गंभीर दखल घेत संबंधितांवर कारवाई केली आहे. महाबळेश्वरचे निसर्ग सौंदर्य पाहायला राज्याच्या विविध भागातून पर्यटक येत असतात. मोठ्या प्रमाणार येथे पर्यटकांची नेहमी वर्दळ असते. येथील निसर्गिक सौंदर्य सोडून वाहनतळावर येऊन स्टंटबाजी करत सोशल मीडियावर प्रसिद्ध मिळवण्याच्या हेतूने व्हिडिओ शूट करण्याचा प्रकार समोर आला. या प्रकरणी मुळशी तालुक्यातील संग्राम गणेश शितोळे या २१ वर्षीय वर्षीय वाहन चालकाविरोधात महाबळेश्वर पोलीस स्टेशनमध्ये फिर्याद देण्यात आली आहे. महाबळेश्वर पोलिस निरीक्षक सांडभोर यांच्या मार्गदर्शन पोलीस हवालदार लक्ष्मण जाधव , दळवी याचबरोबर जवान अक्षय कदम यांनी कारवाई केली आहे. हुल्लडबाजी करणाऱ्या वाहन चालंकाना चपराक महाबळेश्वर पोलीस प्रशासनाच्या केलेल्या कारवाईचे सर्वत्र कौतुक होत आहे. सांडभोर यांच्या मार्गदर्शनाखाली पुढील तपास हेड कॉन्स्टेबल अमोल पवार करत आहेत. या कारवामुळे सार्वजनिक ठिकाणी अशा प्रकारचे जीवघेणे स्टंट करणाऱ्या वाहनचालकांना चांगलीच चपराक बसणार असून, वेण्णा लेक येथील हुल्लडबाजीला आळा बसणार आहे .
