World Chess Championship 2024 : गुकेशने गतविजेत्या लिरेनला पुन्हा रोखले; सातव्या लढतीतही बरोबरी…
FIDE World Chess Championship 2024 (D. Gukesh vs Ding Liren) :- भारताचा आव्हानवीर डी. गुकेश याने मंगळवारी जागतिक बुद्धिबळ चॅम्पियनशिपच्या सातव्या गेममध्ये गतविजेत्या चीनच्या डिंग लिरेनसोबत सलग चौथा सामना बरोबरीत सोडवला.
A 72-move-long thriller saw Ding Liren hold a draw with the Black pieces against D Gukesh in Game 7 of the World Chess Championship 2024. The game went on for 5 hours and 30 minutes! Gukesh had a big advantage at some points, but failed to convert – Ding Liren defended… pic.twitter.com/lE7VCw3PYr
— ChessBase India (@ChessbaseIndia) December 3, 2024
तब्बल पाच तास 22 मिनिटे चाललेल्या या सामन्यानंतर दोन्ही खेळाडूंचे समान 3.5 गुण झाले आहेत आणि विजेतेपदासाठी अजूनही ते चार गुण दूर आहेत. 14 सामन्यांच्या सामन्यात प्रथम 7.5 गुण मिळवणारा खेळाडू विजेता होणार आहे. दोन्ही खेळाडूंनी 72 चालीनंतर खेळ अनिर्णित ठेवण्यास सहमती दर्शवली.
लिरेनसाठी मंगळवार हा कठीण दिवस ठरला आणि जोपर्यंत गुकेशने चूक केली नाही तोपर्यंत त्याला पराभवाचा धोका होता. पांढऱ्या मोहऱ्यांसह खेळणारा गुकेश भक्कम स्थितीत होता, मात्र गुकेशने चुकीचा अंदाज लावला आणि लिरेनला बरोबरी साधण्याची संधी दिली. गुकेशने सामन्यात पुन्हा एकदा चांगली सुरुवात करून लवकरच लिरेनला दडपणाखाली आणले होते. मात्र, त्याला विजय साकारता आला नाही.
