PM Narendra Modi : देशाचे पंतप्रधान नरेंद्र मोदी सायप्रसच्या दौऱ्यावर आहेत आणि त्यांच्या दौऱ्याच्या दुसऱ्या दिवशी त्यांना या युरोपीय देशाचा सर्वोच्च सन्मान प्रदान करण्यात आला आहे. सायप्रसचा सर्वोच्च सन्मान मिळवणारे पंतप्रधान मोदी हे जगातील २३ वे नेते आहेत.

या सन्मानाबद्दल पंतप्रधान मोदी म्हणाले की, ‘हा सन्मान फक्त माझा नाही तर देशातील १४० कोटी जनतेचा सन्मान आहे. मी हा सन्मान भारत आणि सायप्रसमधील मैत्रीपूर्ण संबंधांना आणि आपल्या परस्पर समंजसपणाला समर्पित करतो’. असं ते म्हणाले.

राजधानी निकोसियामध्ये, सायप्रसचे अध्यक्ष निकोस क्रिस्टोडौलिड्स यांनी पंतप्रधान मोदींना सायप्रसचा सर्वोच्च सन्मान, ग्रँड क्रॉस ऑफ द ऑर्डर ऑफ मकारिओस III प्रदान केला.

सर्वोच्च सन्मान प्रदान केल्यानंतर, पंतप्रधान मोदी म्हणाले, “ग्रँड क्रॉस ऑफ द ऑर्डर ऑफ मकारिओस III साठी मी तुमचे (सायप्रसचे अध्यक्ष), सायप्रस सरकार आणि सायप्रसच्या जनतेचे मनापासून अभिनंदन करतो. हा सन्मान केवळ नरेंद्र मोदींसाठी माझा सन्मान नाही, तर १४० कोटी भारतीयांसाठी हा सन्मान आहे.

त्यांच्या शक्ती आणि आकांक्षांचा हा सन्मान आहे. हा आपल्या देशाच्या सांस्कृतिक, बंधुभाव आणि वसुधैव कुटुंबकम विचारसरणीचा सन्मान आहे. मी हा सन्मान भारत आणि सायप्रसमधील मैत्रीपूर्ण संबंधांना, आपल्या सामायिक मूल्यांना आणि आपल्या परस्पर समंजसपणाला समर्पित करतो.”

ते पुढे म्हणाले, “सर्व भारतीयांच्या वतीने, मी अत्यंत नम्रतेने आणि कृतज्ञतेने हा सन्मान स्वीकारतो. हा सन्मान शांतता, सुरक्षा, सार्वभौमत्व, प्रादेशिक अखंडता आणि आपल्या लोकांच्या समृद्धीप्रती असलेल्या आपल्या अढळ वचनबद्धतेचे प्रतीक आहे. भारत आणि सायप्रसमधील संबंधांप्रती एक जबाबदारी म्हणून मी या सन्मानाचे महत्त्व समजतो आणि त्याच भावनेने तो स्वीकारतो.

येणाऱ्या काळात आपली सक्रिय भागीदारी नवीन उंची गाठेल असा मला विश्वास आहे. एकत्रितपणे आपण केवळ आपल्या देशांच्या विकासाला बळकटी देऊ शकत नाही तर शांततापूर्ण आणि सुरक्षित जागतिक वातावरण निर्मितीसाठी देखील योगदान देऊ.” असं पंतप्रधान मोदी यावेळी म्हणाले.

राष्ट्रपती भवनात अधिकृत स्वागत :
सोमवारी निकोसियातील राष्ट्रपती भवनात पंतप्रधान मोदींचे अधिकृत स्वागत करण्यात आले. राष्ट्रपती क्रिस्टोडौलिड्स यांनी राष्ट्रपती भवनात पंतप्रधान मोदींचे हार्दिक स्वागत केले.

पंतप्रधान मोदी काल रविवारी त्यांच्या तीन देशांच्या दौऱ्यावर सायप्रसला पोहोचले. या दरम्यान, पंतप्रधान मोदी यांनी राष्ट्रपती क्रिस्टोडौलिड्स यांच्यासह निकोसियातील व्यावसायिकांसोबत गोलमेज बैठकीत भाग घेतला आणि व्यापार, गुंतवणूक आणि संरक्षण यासारख्या क्षेत्रात द्विपक्षीय सहकार्य मजबूत करण्याचे आवाहन केले, कारण या क्षेत्रात विकासाची प्रचंड क्षमता आहे.

पंतप्रधान मोदी यांनी उद्योजकांशी भेट घेतली :
पंतप्रधान काल रविवारी सायप्रसची राजधानी निकोसिया येथे पोहोचले. बैठकीत त्यांनी भारत आणि सायप्रसच्या व्यावसायिक नेत्यांनाही संबोधित केले. ते म्हणाले, सायप्रस हा दीर्घकाळापासून भारताचा विश्वासू भागीदार आहे.

कार्यक्रमाला संबोधित करताना पंतप्रधान मोदी म्हणाले, २३ वर्षांनंतर भारतीय पंतप्रधान सायप्रसच्या दौऱ्यावर आले आहेत आणि पहिला कार्यक्रम व्यावसायिकांसोबत गोलमेज बैठक होता. यावरून भारत आणि सायप्रसमधील संबंधांसाठी आर्थिक जगताशी संबंधित लोक किती महत्त्वाचे आहेत हे दिसून येते.

त्यांनी असेही सांगितले की अनेक भारतीय कंपन्या ते युरोपचे प्रवेशद्वार म्हणून पाहतात. पंतप्रधान मोदी त्यांच्या तीन देशांच्या दौऱ्याच्या पहिल्या टप्प्यात काल सायप्रसला पोहोचले. त्यानंतर ते कॅनडा आणि क्रोएशियालाही भेट देतील. गेल्या दोन दशकांत भारतीय पंतप्रधानांचा सायप्रसला हा पहिलाच दौरा आहे.