Cyclone Michaung News : Cyclone Michaung Newsपुढील काही तास आंध्र प्रदेशच्या किनारी भागासाठी अत्यंत धोकादायक आहेत. आयएमडीच्या म्हणण्यानुसार, ‘मिगजौम’ हे तीव्र चक्रीवादळ बापटलाजवळील दक्षिण आंध्र प्रदेश किनारपट्टीला पुढील चार तासांत 90-100 किमी प्रतितास वेगाने पार करेल. यापूर्वी या वादळाने तामिळनाडू आणि पुद्दुचेरीमध्ये कहर केला होता.

IMD ला अजूनही बहुतांश ठिकाणी हलका ते मध्यम पाऊस आणि उत्तर किनारपट्टी तमिळनाडू आणि पुद्दुचेरीवर काही ठिकाणी मुसळधार पावसाची अपेक्षा आहे. ‘मिगजौम’ चक्रीवादळामुळे, सोमवारी चेन्नई आणि आसपासच्या जिल्ह्यांमध्ये पुराने कहर केला, जनजीवन विस्कळीत झाले.

तामिळनाडूमध्ये या वादळामुळे आठ जणांचा मृत्यू झाला आहे. चेन्नई आणि आसपासच्या शहरांमध्ये सर्वाधिक विध्वंस झाला आहे. मुसळधार पावसामुळे अनेक शहरे पाण्याखाली गेली आहेत.

दरम्यान, 5 डिसेंबरच्या संध्याकाळपासून पुढील 12 तासांत वाऱ्याचा वेग ताशी 40-50 किलोमीटरवरून 60 किलोमीटर प्रतितास होईल. मच्छिमारांना 4 ते 6 डिसेंबर दरम्यान ओडिशाच्या किनारपट्टीच्या खोल समुद्रात जाऊ नये असा सल्ला देण्यात आला आहे.