Weather Update: नोव्हेंबर महिन्याला सुरूवात होताच राज्यात आता गुलाबी थंडीची चाहुल लागण्यास सुरुवात झाली आहे. पुढील काही दिवसात राज्यात कडाक्याची थंडी पडू शकते, असा अंदाज वर्तवण्यात आला आहे.

पुढील काही दिवस राज्यात तापमानाचा लपंडाव कायम राहण्याचा हवामान विभागाचा अंदाज आहे. अरबी समुद्रात दक्षिण केरळच्या किनाऱ्यालगत चक्राकार वाऱ्यांची स्थिती तयार झाल्यामुळे हवामानात हे बदल होत आहेत.

आजही राज्यात तापमानात चढ-उतार कायम राहण्याची शक्यता हवामान विभागाने वर्तवली आहे. दिवाळीच्या काळात पावसाचा अडथळा नसला, तरी काही भागांतील उष्णता आणि रात्रीचा गारवा दिसत आहे.

काही  ठिकाणी उन्हाची तीव्रता कायम 

कोकणातील रत्नागिरी येथे राज्यातील उच्चांकी ३७.६ अंश सेल्सिअस तापमानाची नोंद झाली आहे. याशिवाय सांताक्रूझ, अमरावती, डहाणू, सोलापूर, जळगाव, धुळे, अहिल्यानगर, अकोला, चंद्रपूर आणि वर्धा या भागांतही तापमान ३५ ते ३६ अंशांच्या पुढे गेले असून उन्हाची तीव्रता कायम आहे. त्यामुळे राज्याच्या किमान तापमानात घट होत असली तरी अद्यापही गुलाबी थंडीची प्रतीक्षा आहे.

हेही वाचा: 

PM Modi: मोदी बस्तरमध्ये जवानांसोबत साजरी करणार दिवाळी ; सैनिकांच्या बलिदानाला केला सलाम!