ICC ODI World Cup 2023 Australia vs Netherlands : दिल्लीतील अरुण जेटली क्रिकेट स्टेडियमवर स्टीव्ह स्मिथने नेदरलँड्सविरुद्ध खेळल्या जात असलेल्या सामन्यात या विश्वचषकातील (ICC ODI World Cup 2023) पहिले अर्धशतक आणि एकदिवसीय कारकिर्दीतील 31वे अर्धशतक झळकावले. स्पर्धेतील पहिले अर्धशतक झळकावून स्मिथने अॅडम गिलख्रिस्ट आणि डेव्हिड वॉर्नरला एका खास बाबतीत मागे टाकले आहे.

मिचेल मार्श स्वस्तात पॅव्हेलियनमध्ये परतल्यानंतर स्टीव्ह स्मिथ मैदानात आला. कांगारू फलंदाज सुरुवातीपासूनच लयीत दिसला आणि त्याने मैदानाच्या चारही कोपऱ्यांमध्ये दमदार फटके मारले. स्मिथने शानदार फलंदाजी करत 53 चेंडूत 2023 च्या विश्वचषकातील पहिले अर्धशतक पूर्ण केले. डेव्हिड वॉर्नरसह स्मिथने दुसऱ्या विकेटसाठी 132 धावांची भागीदारी केली. स्मिथ 68 चेंडूत 71 धावांची शानदार खेळी करून पॅव्हेलियनमध्ये परतला.

स्मिथच्या नावावर मोठी कामगिरी…

स्टीव्ह स्मिथने 2023 च्या विश्वचषकात पहिले अर्धशतक झळकावून विशेष स्थान मिळवले आहे. 50 षटकांच्या विश्वचषकाच्या इतिहासात 10 अर्धशतके झळकावणारा स्मिथ हा दुसरा कांगारू फलंदाज ठरला आहे. स्मिथने या प्रकरणात अॅडम गिलख्रिस्ट आणि डेव्हिड वॉर्नरला मागे टाकले आहे. गिलख्रिस्ट आणि वॉर्नरच्या नावावर 9 अर्धशतके आहेत. या विश्वचषकात स्मिथ पहिल्यांदाच लयीत दिसला आणि त्याने मुक्तपणे फटके मारले.

डेव्हिड वॉर्नरनेही लगावले अर्धशतक…

स्टीव्ह स्मिथसोबतच डेव्हिड वॉर्नरनेही चांगलाच खेळ केला. वॉर्नर सुरुवातीपासूनच लयीत दिसला आणि त्याने चौकार आणि षटकार ठोकले. कांगारू सलामीवीराने शानदार फलंदाजी करत चौकारांसह आपल्या एकदिवसीय कारकिर्दीतील 32 वे अर्धशतक झळकावले.