Cross Border Terrorism। देशाच्या सर्वोच्च लष्करी कमांडर आणि धोरणात्मक तज्ञांच्या उपस्थितीत होणाऱ्या चाणक्य संरक्षण संवादापूर्वी, जनरल द्विवेदी यांनी,”भारत कोणत्याही परिस्थितीत दीर्घकालीन युद्धासाठी तयार आहे आणि शत्रू पाकिस्तान असो किंवा त्याचे समर्थित दहशतवादी असो, प्रत्येक धोक्याला योग्य उत्तर देण्याची क्षमता सैन्यात आहे” असे म्हणत त्यांनी पाकला कडक इशारा दिला आहे. जनरल द्विवेदी यांनी यावेळी बोलताना,”पाकिस्तानने कितीही गुप्तपणे दहशतवादाला प्रोत्साहन दिले तरी भारतीय सैन्य त्यांच्या प्रत्येक हालचालीवर लक्ष ठेवते” असेही म्हटले. त्यांनी सांगितले की, गेल्या पाच वर्षांत काश्मीरमधील दहशतवादात लक्षणीय घट झाली आहे आणि मारले गेलेले ६१% दहशतवादी पाकिस्तानी होते, जे सिद्ध करते की सीमेपलीकडून दहशतवाद पाठवण्याचे षड्यंत्र सुरूच आहे. त्यांच्या मते, जम्मू आणि काश्मीरमधील परिस्थिती वेगाने बदलत आहे आणि आज तेथील तरुणांना भारतासोबत भविष्य दिसते. जनरल द्विवेदींनी ऑपरेशन सिंदूरचा उल्लेख ऑपरेशन सिंदूरचा उल्लेख करताना ते म्हणाले, “हा फक्त एक ट्रेलर होता. आवश्यक असल्यास, पाकिस्तानला एक जबाबदार देश आपल्या शेजाऱ्याशी कसे वागतो हे शिकवले जाईल.” त्यांनी असेही स्पष्ट केले की भारत कोणत्याही प्रकारच्या अणुब्लॅकमेलला घाबरत नाही आणि भारतीय सैन्य कोणत्याही परिस्थितीसाठी तयार आहे, मग ते युद्ध चार महिने असो किंवा चार वर्षे.” असेही त्यांनी म्हटले. लाल किल्ला स्फोट प्रकरणावर महत्त्वाचे विधान Cross Border Terrorism। लाल किल्ल्यावरील स्फोटाचा संदर्भ देत लष्करप्रमुख म्हणाले की, “प्रतिबंधक यंत्रणा काम करत आहे. दहशतवाद्यांकडून जरी कोरे पत्र आले तरी लष्कर त्याचे मूळ शोधू शकेल. जनरल द्विवेदी यांनी चीनशी भारताच्या संबंधांबद्दल काय म्हटले? चीनशी संबंधांबद्दल, त्यांनी आशा व्यक्त केली की पूर्व लडाखमधील तणाव कमी झाल्यानंतर दोन्ही देश सामान्यतेकडे वाटचाल करत आहेत. ते म्हणाले की, “राजकीय नेतृत्वातील वाढत्या संवादामुळे जमिनीवरील परिस्थिती वेगाने सुधारली आहे. ते म्हणाले, “जेव्हा राजनैतिक आणि राजकीय दिशा एकत्र येतात तेव्हा संरक्षण राजनैतिकता स्मार्ट पॉवर बनते.” मणिपूर हिंसाचारावर ‘हे’ सांगितले Cross Border Terrorism। जनरल द्विवेदी यांनी मणिपूर हिंसाचारावरही प्रतिक्रिया दिली. ते म्हणाले की, मणिपूर त्यांच्यासाठी स्वर्गासारखे आहे आणि राष्ट्रपती राजवट लागू झाल्यानंतर परिस्थिती सामान्य होत आहे. जर तेथील समुदायांनी त्यांचे मतभेद दूर केले तर परिस्थिती आणखी सुधारेल अशी आशा त्यांनी व्यक्त केली. म्यानमारमधील ४३,००० निर्वासितांचा उल्लेख करताना ते म्हणाले की, भारत त्यांना परत पाठवण्याचा प्रयत्न करत आहे आणि जर त्यापैकी कोणी दहशतवादी कारवायांमध्ये सहभागी आढळले तर कठोर कारवाई केली जाईल.
