Extortion News : सोशल मीडियावर आक्षेपार्ह व्हिडिओ प्रसारित करण्याची धमकी देऊन, एका पोलीस कर्मचाऱ्यासह सात जणांनी ठाणे जिल्ह्यातील ५६ वर्षीय व्यक्तीकडून १७.६५ लाख रुपये उकळल्याचा (Extortion News) प्रकार समोर आला आहे.

एफआयआरनुसार, कल्याणमध्ये राहणाऱ्या एका खाजगी कंपनीत काम करणाऱ्या पीडित व्यक्तीला एका २८ वर्षीय महिलेने हनीट्रॅपमध्ये (Extortion News) अडकवले आणि त्याचा आक्षेपार्ह व्हिडिओ रेकॉर्ड केला. या महिलेने आणि तिच्या साथीदारांनी या व्हिडिओचा वापर करून गेल्या तीन महिन्यांत तक्रारदाराकडून १७.६५ लाख रुपयांची खंडणी उकळली.

पोलिसांनी या प्रकरणात मुख्य आरोपी सीमा जगताप (रा. डोंबिवली), तिची आई भारती शाम ठाकूर (५५), पती सुमित सिंग आणि एका अज्ञात पोलीस कॉन्स्टेबलसह इतर तिघांविरुद्ध गुन्हा (Extortion News) दाखल केला आहे. या प्रकरणात अद्याप कोणालाही अटक करण्यात आलेली नाही आणि संशयितांचा शोध घेण्याचे प्रयत्न सुरू आहेत, असेही पोलिसांनी सांगितले.