Huma Qureshi: दाक्षिणात्य सुपरस्टार यश याचा आगामी टॉक्सिक  (Toxic )  चित्रपट सध्या चांगलाच चर्चेत आहे. नुकताच या चित्रपटाचा टीझर प्रदर्शित झाला. मात्र टीझरमध्ये दाखवण्यात आलेल्या काही बोल्ड आणि इंटिमेट दृश्यांमुळे सोशल मीडियावर मोठा वाद निर्माण झाला आहे. अनेक प्रेक्षकांनी या दृश्यांवर आक्षेप घेत चित्रपटात गरजेपेक्षा जास्त बोल्डनेस दाखवल्याचा आरोप केला आहे. या वादाच्या पार्श्वभूमीवर अभिनेत्री हुमा कुरेशी  (Huma Qureshi ) हिने प्रथमच आपली भूमिका स्पष्ट केली आहे. (Huma Qureshi)

टीझर प्रदर्शित झाल्यानंतर सोशल मीडियावर जोरदार टीका सुरू झाली. काही प्रेक्षकांनी चित्रपटाच्या कथेशी या दृश्यांचा संबंध काय आहे, असा प्रश्न उपस्थित केला. तर काहींनी केवळ प्रेक्षकांचे लक्ष वेधण्यासाठी अशा प्रकारचे बोल्ड सीन्स दाखवण्यात आल्याची टीका केली. या चर्चेमुळे ‘टॉक्सिक’ रिलीज होण्यापूर्वीच चर्चेच्या केंद्रस्थानी आला आहे.  (Huma Qureshi)

या टीकेला उत्तर देताना हुमा कुरेशीने सांगितले की, प्रेक्षकांनी केवळ टीझर पाहून संपूर्ण चित्रपटाबद्दल मत बनवू नये. तिच्या मते, टीझर हा चित्रपटाचा फक्त एक छोटासा भाग असतो. संपूर्ण कथा समजून घेतल्याशिवाय कोणताही निष्कर्ष काढणे योग्य नाही. चित्रपट प्रदर्शित झाल्यानंतर प्रेक्षकांना या दृश्यांचा कथेशी असलेला संबंध समजेल, असेही तिने सांगितले. त्यामुळे चित्रपट प्रदर्शित होईपर्यंत संयम ठेवण्याचे आवाहन तिने प्रेक्षकांना केले.  (Huma Qureshi)

हुमा कुरेशीने यावेळी चित्रपटाच्या दिग्दर्शिका गीतू मोहनदास यांचेही भरभरून कौतुक केले. राष्ट्रीय पुरस्कार विजेत्या गीतू मोहनदास यांची दृष्टी आणि कथाकथनाची शैली वेगळी असल्याचे तिने सांगितले. पुरुषप्रधान चित्रपटसृष्टीत एखाद्या मोठ्या सुपरस्टारने महिला दिग्दर्शिकेवर विश्वास ठेवून एवढा मोठा चित्रपट करणं ही अभिमानाची बाब असल्याचे हुमाने नमूद केले.   (Huma Qureshi)

तिने पुढे सांगितले की, यशने गीतू मोहनदास यांच्या संकल्पनेवर पूर्ण विश्वास दाखवला आहे. त्यामुळे प्रेक्षकांनी चित्रपटाचा संपूर्ण अनुभव घेतल्यानंतरच त्याबद्दल मत व्यक्त करावे. कथेला आवश्यक असेल तेव्हाच एखादे दृश्य चित्रपटात ठेवले जाते, असा अप्रत्यक्ष संदेशही तिच्या वक्तव्यातून दिसून आला. (Huma Qureshi)

‘टॉक्सिक’ हा मोठ्या बजेटचा अॅक्शन-थ्रिलर चित्रपट असून त्यात अनेक लोकप्रिय अभिनेत्री एकत्र दिसणार आहेत. हुमा कुरेशीसोबत तारा सुतारिया, कियारा अडवाणी, नयनतारा आणि रुक्मिणी वसंत यांच्याही महत्त्वाच्या भूमिका आहेत. दमदार कथा आणि भव्य सादरीकरणामुळे या चित्रपटाबद्दल प्रेक्षकांमध्ये आधीपासूनच उत्सुकता होती.

टीझरवरून वाद निर्माण झाला असला तरी चित्रपटाच्या प्रदर्शनाच्या तारखेत कोणताही बदल करण्यात आलेला नाही. निर्मात्यांनी ठरल्याप्रमाणे हा चित्रपट २६ ऑगस्ट २०२६ रोजी जगभरातील चित्रपटगृहांमध्ये अनेक भाषांमध्ये प्रदर्शित करण्याची तयारी सुरू ठेवली आहे.  (Huma Qureshi)

एकूणच, ‘टॉक्सिक’च्या टीझरने चित्रपटाविषयी उत्सुकतेसोबतच मोठी चर्चा निर्माण केली आहे. आता चित्रपट प्रदर्शित झाल्यानंतरच या वादाला पूर्णविराम मिळतो की नाही, हे पाहणे महत्त्वाचे ठरणार आहे. (Huma Qureshi)