लंडन : मूळ पाकिस्तानी असलेल्या अंजेम चौधरी या कट्टरवादी व्याख्यात्याला ब्रिटनमधील न्यायालयाने दहशतवादाला प्रोत्साहन दिल्याच्या आरोपाखाली दोषी ठरवून जन्मठेपेची शिक्षा ठोठावली जाण्याची शक्यता आहे. चौधरीने ब्रिटनचे नागरिकत्वही मिळवले आहे. दहशतवादी कारवायांबद्दल अल-मुजाहिदीन या बंदी घातलेल्या संघटनेचे काम करत असल्याचा आरोप चौधरीवर होता. त्याने २०१४ पासून या संघटनेचे संचालन केले होते.

ऑनलाईन बैठकांमध्ये सहभागी होऊन त्याने दहशतवादी कृत्यांना प्रोत्साहन दिल्याच्या आरोपाखाली लंडनमधील न्यायालयात त्याच्यावर खटला चालवला गेला. दिनांक ३० जुलैला त्याला दोषी ठरवून जन्मठेपेची शि७ सुनावली जाण्याची शक्यता आहे. लंडन मेट्रोपोलिटन पोलीस, न्यूयॉर्क पोलीस आणि कॅनडाच्या रॉयल माऊंटेड पोलिसांच्यावतीने त्याच्याविरोधात संयुक्तपणे तपास केला होता. अल-मुजाहिदीनचे जाळे जगभर पसरले आहे. या संघटनेमुळे नागरिकांच्या जीवाला मोठा धोका निर्माण केला जातो. असे लंडनमधील दहशतवादविरोधी कमांडच्या प्रमुखांनी म्हटले आहे.

अल-मुजाहिदीनवर सर्वात पहिल्यांदा २००६ मध्ये ब्रिटनमध्ये बंदी घातली गेली. त्यानंतर ही संघटना अल-घुराबा नावाने सक्रिय होती. २०१० मध्ये या दुसऱ्या नावाखालील संघटनेवरही बंदी घातली गेली. १९९६ मध्ये या मूळ संघटनेची स्तापना करणाऱ्या पहिल्या तिघांमध्ये चौधरी हा एक होता. २०२३ च्या अखेरपर्यंत तो या संघटनेच्या भूमिगत सदस्यांच्या नियमित संपर्कात होता आणि त्यांना मार्गदर्शन करत होता. इस्लामिक स्टेटचा पाठिंबा मिळवण्याबद्दल त्याला यापूर्वी ५ वर्षांची शिक्षा ही झाली होती.