Amritpal Singh |  आसामच्या दिब्रुगढ तुरुंगात असलेला ‘वारीस पंजाब दे’ या संघटनेचा प्रमुख अमृतपाल सिंग यांचे वडील तरसेम सिंग यांनी राजकीय पक्ष स्थापन करणार असल्याची घोषणा केली आहे. 14 जानेवारी रोजी माघीच्या मुहूर्तावर मुक्तसर जिल्ह्यात याची स्थापना केली जाणार असल्याची माहिती त्यांनी दिली आहे.

पीटीआय दिलेल्या महितीनुसार,  ‘तुरुंगातून बाहेर आल्यानंतर अमृतपाल सिंग पक्षाचे नेतृत्व करतील, तोपर्यंत ते पक्षाचे नेतृत्व स्वतःकडे ठेवतील. आम्ही शीख संगतच्या उपस्थितीत पक्षाचे नाव आणि अजेंडा जाहीर करू,’ असे तरसेम सिंग यांनी सांगितले आहे. Amritpal Singh |

लोकसभा निवडणुकीत विजय 

गेल्या वर्षी अपक्ष उमेदवार म्हणून लोकसभा निवडणूक लढवलेले अमृतपाल सिंग हे खडूर साहिबमधून लोकसभेवर निवडून आले होते. राष्ट्रीय सुरक्षा कायद्यांतर्गत तो सध्या आसामच्या दिब्रुगड तुरुंगात बंद आहे. पोलीस ठाणे उध्वस्त केल्याच्या प्रकरणापासून तो वॉन्टेड होता.

अमृतपाल सिंग व त्याच्या समर्थकांनी २३ फेब्रुवारी २०२३ ला अजनाला पोलीस ठाण्यात शस्त्रास्त्रे घेऊन घुसले होते. बॅरिकेड्स तोडून तलवारी आणि बंदुका हवेत फिरविल्या होत्या. एका सहकाऱ्याला सोडविण्यासाठी पोलिसांसोबत धक्काबुक्की केली होती. Amritpal Singh |

तरसेम सिंग यांनी केली होती राजकीय पक्ष काढण्याची इच्छा व्यक्त 

गेल्या वर्षी सप्टेंबरमध्ये अमृतपाल सिंग यांचे वडील तरसेम सिंग यांनी पंजाबमध्ये नवीन राजकीय पक्ष काढण्याची इच्छा व्यक्त केली होती. अमृतसरमधील सुवर्ण मंदिरात दर्शन घेतल्यानंतर अमृतपाल सिंगच्या वडिलांनी प्रसारमाध्यमांशी संवाद साधला आणि पंजाबला मजबूत करण्यासाठी नव्या पक्षाची गरज असल्याचे सांगितले होते.

हेही वाचा: 

Walmik Karad : वाल्मिक कराडचे पाय आणखी खोलात; जेलमधील आरोपीनं दिली मोठी कबुली